web counter
LEXO PA REKLAMA!

SHKARKO APP

App Store
Google Play

E fundit!

x

Kandidate e PS në zgjedhjet e 25 prillit/ Luljeta Bozdo vendos objektivat: Do propozoj gjëra të reja

5 Mars 2021, 16:23, Politikë CNA

Luljeta Bozo është prurja e re në ekipin e kandidatëve për deputet brenda Partisë Socialsite.

Gjatë një aktiviteti për programin e Rindërtimit, Rama i bëri një ftesë publike inxhinieres 79-vjeçare, ftesë e cila u pranua.

Bozdo ka treguar më shumë në lidhje me pranimin e ftesës në Report tv.

Ajo tha se ky propozim erdhi i papritur por se pas një momenti hezitimi vendosi ta pranojë atë.

“Propozimi erdhi nga një takim pune për programin e rindërtimit! Nuk më kishte shkuar ndonjëherë në mendje që një ditë mund të isha pjesë e Kuvendit të Shqipërisë.  Në minutën e parë u befasova por duke ditur dëshirën që kanë njerëzit për personazhe si mua dhe plot të tjerë që mund të japin zërin, opinionet dhe mendimet për zgjidhjen e problemeve dhe  vlerësimet që kishte Kryeministri pas një hezitimi të vogël e pranova, si një qytetare jo se e kisha objektiv për të qenë pjesë e Kuvendit të Shqipërisë.

Ishte kaq i shpejtë ky njoftim sa nuk më shkoi në mendje të pyes së në cilën zonë do të kandidoj. Nuk e di fare se ku do të kandidoj. Unë do të ngre të gjitha mendimet e mia me forcën dhe argumentet për zgjidhjen e problemeve. Dua të çoj atë shqetësim që kanë njerëzit. Është shpejt për të parashikuar, ende nuk listat nuk kanë shkuar në KQZ. Por nga momenti kur do të bëhet e qartë se do të jem në Kuvendin e Shqipërisë do të propozoj gjëra të reja që mund të realizohen, jo vetëm në fushën e ndërtimit. Do të bëj maksimumin e mundshëm, aq sa mund të bëjë një zë“, vijoi Luljeta Bozo.





Lajmet e fundit nga