web counter
LEXO PA REKLAMA!

SHKARKO APP

App Store
Google Play

E fundit!

x

Çështja ‘Ndrangheta’/ Ambasadori italian paralajmëron zhvillime të reja

4 Shkurt 2021, 17:04, Aktualitet CNA

Ambasadori Italian Fabrizio Bucci konfirmoi pasditen e së enjtes se zhvillimi i rëndësishëm, të cilin ai e pati paralajmëruar gjatë intervistës me gazetaren Ilva Tare në Euronews Albania, ishte pikërisht nisja e hetimit të lidhjeve mafioze edhe nga Struktura e Posaçme Anti-Korrupsion në Shqipëri.

Bucci shkroi në Twitter se mëngjesin e sotëm në Romë pati mbledhje mes Prokurorit Kombëtar Antimafia, Cafiero de Raho dhe drejtuesit të SPAK-ut, Arben Kraja. Ai e shoqëroi këtë postim me njoftimin e bërë gjatë ditës së sotme nga Struktura e Posaçme, ku deklarohej nisja e procedimit penal për dyshimet se grupe të mafies italiane ?Ndrangheta? kanë pastruar para në Shqipvri falë lidhjeve të tyre me politikanë.

Diplomati italian u shpreh se bashkëpunimi mes dy vendeve kundër korrupsionit dhe krimit të organizuar ?është i shkëlqyer? dhe ?gjithmonë e më i ngushtë?.

Gjatë intervistës me gazetaren Ilva Tare, pastrimi i parave dhe korrupsioni u konsideruan nga ambasadori italian si ?prirje korruptive që dihej që ekzistonin? që përpara publikimit të përgjimeve rreth grupit të Luigi Mancuso-s së ?Ndrangheta?-s, grup ky që në Itali po hetohet nga prokurori i Catanzaros Nicola Gratteri dhe që ka dyshime se ka pastruar para në Shqipëri duke pasur lidhje me politikanë.

Bucci e përshkroi prokurorin Gratterin si ?prokuror të rëndësishëm?, ?serioz? dhe ?shumë të aftë?. Ai tha se korrupsioni duhet hetuar dhe dënuar pavarësisht se kushdo qoftë i përfshirë në të, ndërkohë që u shpreh se përgjimet e rrjedhura në media nuk janë të vetmet./euronews





Lajmet e fundit nga