PS kërkon mandat të tretë/ Ankohet biznesi: Nuk është bërë sa duhet

29 Janar 2021, 20:42, Politikë CNA

Shqiptarët në muajin prill do t?u drejtohen kutive të votimit për të zgjedhur qeverinë, e cila do të drejtojë vendin përgjatë katër viteve të ardhshme. Deputetja Blerina Gjylameti në një intervistë me Euronews Albania tha se Partia Socialiste synon të marrë një mandat të tretë si ?shpërblim? për punët e kryera.

?Është e qartë tashmë që ne në fund të mandatit të dytë i drejtohemi qytetarëve me punët konkrete me çfarë është realizuar deri më sot, dhe po ashtu me më një bilanc për atë se çfarë është bërë dhe pse qytetarët do duhet të rinovojnë kontratën me PS për një mandat të tretë. Mandati i dytë mund të quhet mandati i punëve të kryera?, tha ajo.

Përballë gazetares Bruna Çifligu, deputetja Gjylameti thotë se falë reformave të ndërmarra nga Partia Socialiste, shqiptarët sot kanë më shumë të ardhura për familjet e tyre.

?Ne falë reformave kemi një rritje të ekonomisë dhe kjo përkthehet në më shumë të ardhura për qytetarët?, tha Gjylamenti.

Sekretari i përgjithshëm i Shoqatës së Prodhuesve Arben Shkodra thotë se qeveria nuk ka bërë sa duhet për sipërmarrjen. Ai shprehet se dy fatkeqësitë që goditën Shqipërinë, fillimisht tërmeti dhe më pas pandemia i kanë dhënë një minus të madh ekonomisë së vendit.

?Unë mendoj se përpara se të ndodhte fatkeqësia e tërmetit mund të kishin disa argumente për të debatuar në lidhje edhe me disa arritje, që çdo qeveri, ka arritje dhe çdo qeveri e çon përpara zhvillimin ekonomik. Unë ndaj situatën para tërmetit dhe pas tërmetit. Në një mandat të dytë çdo sipërmarrje pret më tepër nga qeveria. Një shans i tretë në vende si ne, ka qenë shumë i rrallë. Mandati i dytë pritej më shumë në shumë aspekt, por unë besoj se tërmeti dhe pandemia e kanë kthyer të paktën dy vite në pas të gjithë situatën?, tha ai.

Ai thekson se struktura ekonomike e Shqipërisë është e brishtë dhe e pakonsoliduar. Sipas z. Shkodra, sot ka më shumë propagandë sesa përgatitje reale për të fuqizuar më tej sektorin e biznesit dhe të ekonomisë.

?Ne e kemi thënë se struktura jonë ekonomike nuk ishte e imunizuar që të përballet me dy fatkeqësi. Struktura shtetërore e jona ,por edhe struktuara shtetërore është akoma e brishtë dhe e pakonsoliduar. Ne kemi më shumë propagandë sesa përgatitje. Kemi politika publike dhe fiskale, të cilat çojnë në rrënim të strukturës vetëm e vetëm për të marrë vota dhe ky është problemi më i madh që kemi?, u shpreh ai.