E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Ndërtimi i spitalit të Fierit/ Dasho nxjerr zbuluar qeverinë: Po talleni me shqiptarët

28 Janar 2021, 15:18, Aktualitet CNA

Eksperti i Shëndetit Publik Erion Dasho ka reaguar mbi deklaratat e ministres së Shëndetësisë Ogerta Manastirliu, e cila nga foltorja e Kuvendit u shpreh spitali i ri i Fierit do të ketë 150 shtretër.

Për Dashon, kjo është një tallje me shqiptarët, duke shtuar se qeveria po e përdor ndërtimin e kësaj godine sa për fushatë elektorale.

Përmes një postimi në rrjetin social, eksperti i Shëndetit Publik thekson se një spital që t?u shërbejë strukturave superrajonale siç ka pretenduar qeveria duhet të ketë nga 500 deri në 1000 shtertër dhe sipas tij një gjë e tillë është e pamundur të ndërtohet brenda dy muajve.

Por për kapacitetin me 150 shtretër, Dasho ka nxjerrë zbuluar qeverinë duke thotë se është më pak se kapaciteti minimal që është 200 shtretër, duke ironizuar deklarata e kryeministrit Edi Rama dhe ministres duke thënë se u mbors mali dhe polli një mi.

?U MBARS MALI DHE POLLI NJË MI!

Manastirliu deklaroi në Kuvend se spitali i Levanit, i ndërtuar në pikëprerjen e tre rajoneve të vendit (pra që pritej të shërbente si strukture suprarajonale) do të ketë 150 shtretër!

Kjo është një tallje me shqiptarët!

Kur u deklarua se ky spital do të ndërtohej për dy muaj, shumë ekspertë (ndër ta edhe unë) u habitëm dhe deklaruam se një ndërmarrje e tillë ishte e pamundur. Kjo sepse parashikuam se një strukturë suprarajonale do të kishte midis 500 dhe 1,000 shtretër për ta merituar këtë emër.

Në fakt, ndodh e kundërta! 150 shtretër është më pak edhe se numri prej 200 shtretërish i cili pranohet si minimumi i nevojshëm për një spital të përgjithshëm! 150 shtretër mund të ketë një klinikë që ofron një ose disa disiplina të veçuara!

Me ngutjen elektorale për të mbuluar me shoshë katastrofën ku ka zhytur shëndetësinë, kryeministri po shpërdoron keqaz ndihmën bujare të një vendi mik (e cila mund të ishte përdorur për të ndërtuar një spital të mirëfilltë) dhe po i vendos një minë tjetër asaj që ka mbetur nga sistemi i dikurshëm shëndetësor.

Borat, Shqiptarët e kanë marrë vetë në dorë fatin e shëndetit të tyre! Edhe në kushte pandemie ata po preferojnë shtëpitë dhe jo spitalet e tua që kanë marrë fund!

Boll dëmtove! Lëre të qetë shëndetësinë?, shkruan Dasho./CNA.al