E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Foto-Skandali i partive/ Ja si përhapin Covid

28 Janar 2021, 13:15, Aktualitet CNA

Prej gati një viti vendi po përballet me pandeminë e koronavirusit i cili ka gjunjëzuar gjithë botën.

Ashtu si ë çdo shtet edhe në vendin tonë janë vendosur masat anti Covid që duhet të zbatohen nga çdo person për të parandaluar përhapjen e mëtejshme të virusit. Prej disa kohësh Komiteti Teknik i Ekspertëve të Shëndetësisë ka vendosur moslejimin e grumbullimeve të më shumë se 10 personave. Gjithashtu edhe mbajtaje maskës mbrojtëse është e detyrueshme si në ambientet e hapura edhe ato të mbyllura.

Mirëpo, partitë politike, personat që pëfaqësojnë ato duket se nuk i përfillin masat anti Covid. Prej disa kohësh partitë poltike në vend kanë ndezur motorët e fushatës dhe kanë harruar se Covid ekziston ende. Pavarësisht masave ndaluese prej pandemisë, partitë, të mëdha e të vogla, kanë nisur fushatën dhe takimet janë më intensive sa më shumë afrohet data 25 prill.

Politikanët, të majtë apo të djathtë qofshin zhvillojnë mbledhje, takime pa e vrarë fare mendjen se po kthehen në vatra infeksioni. Rregullat anti covid dhe gjobat duket se janë vetëm për qytetarët, e jo për zyrtarët që i shkelin ato që i miratojnë me të dyja këmbët.

Në faqet e rrjeteve sociale të partive dhe të politikanëve, nga të gjithë krahët shohim foto gjatë takimeve të zhvilluara ku nuk zbatohet asnjë masë anticovid.

Kujtojmë rastin mbledhjes së shtabi të PD-së së Durrësit apo Elbasanit, ku jo vetëm mungon distanca minimale mes të pranishmëve por askush nuk mban as maskën. Injorim total i rregullave vihen re edhe në takimet e kryetares së LSI, Monika Kryemadhi, që e nis pothuajse çdo ditë zhvillon takime me grupe të ndryshime.

E njëjta gjë vihet re edhe në mbledhjet e strukturave të Partisë Socialiste ku nuk mungojnë takimet në ambiente të mbyllura me më shumë se dhjetë persona.

Këto pamje i shohim çdo ditë në një kohë kur qindra qytetarë gjobiten për mosmbajtjen e maskës apo thyerje të rregullave të tjera antiCovid. Partitë politike janë kthyer në vatra të nxehta infeksioni dhe përhapës të rrezikshëm të virusit./CNA.al

Fotot e mëposhtme janë publikuar nga politikanët në faqet e tyre në rrjetet sociale, gjatë takimeve të zhvilluara me qytetarët nëpër vende të ndryshme