web counter
LEXO PA REKLAMA!

SHKARKO APP

App Store
Google Play

Përmbytjet dhe ndërtimi i Hidrocentralit të Skavicës/ Inxhinieri tregon efektet negative

18 Janar 2021, 10:16, Aktualitet CNA

Situata e përmbytjeve në vendin tonë ka qenë një nga temat më të diskutuara nga ekspertët e fushës, por jo vetëm. Inxhinieri hidrolog Dritan Bratko ka ka komentuar deklaratën e kryeministrit Edi Rama se ndërtimi i Hidrocentralit të Skavicës do të jetë shpëtimi i ultësirës së Shkodrës nga vërshimet e ujit.

Inxhinieri Bratko ka folur për efektet pozitive dhe negative të ndërtimit të Hec-it të Skavicës. Gjatë një interviste për ?A2?, Bratko tha se nga rezultati i studimit për Drinin u pa alternativa e mundësisë energjetike dhe përmirësimi nga përmbytjet. Efektet janë lokalë, thotë Bratko, dhe pozitive është që zona të kthehet në një pikë zhvillimi ekonomik, ndërsa negative janë shpronësimet.

?Kur bëhet një vlerësim projekti, bëhen analizat e risqeve, përfitimet dhe vlerësimi i alternativave që do të bëjë të mundur që të themi se njëra është më mirë se tjetra. Efektet pozitive janë lokale, po kështu edhe negativet. Pozitive për zonën ku ndërtohen, sepse do ketë gjallërim ekonomik për turizmin dhe agroturizmin dhe potencial punësimi dhe pas ndërtimit do ketë tjetër qasje për atë zonë.

Fitimi është i madh nga energjia po aq do të jetë dhe nga turizmi se deri tani është zonë e vdekur. Efektet negative janë se do të shpronësohen disa prona që kanë efekt social e bujqësor, preken disa fshatra dhe për këtë duhet bërë një studim i mirë. Në aspektin ambiental ajo është për t?u parë dhe u mbetet specialistëve për të menaxhuar edhe risqet?, tha ai./CNA.al





Lajmet e fundit nga