web counter
LEXO PA REKLAMA!

SHKARKO APP

App Store
Google Play

Vjedhja e bombulave të oksigjenit në spital/ Zbardhet dëshmia e 26 vjeçarit: Kisha kopje çelësi, veprova i vetëm

18 Janar 2021, 10:59, Aktualitet CNA

Skandali i publikuar pak ditë më parë më Spitalin e Kavajës ku një 26 vjeçar vidhte bombulat e oksigjenit pa autorizimin e mjekëve dhe i shpërndante në banesat e njerëzve, është denoncuar nga vetë drejtoresha e  spitalit.

Në dosjen e plotë të hetimeve është  zbardhur dëshmia e drejtoreshës Loredana Kapidani, spitalit i është shkaktuar një dëm i madh ekonomikl. Ajo ka thënë në dëshminë e saj se nga kontrolli ka figuruar se nga 30 bombola oksigjeni që duhet të ishin në spital janë gjetur vetëm 6, pra mungonin 24.

“Bëmë një mbledhje. Në bisedë Mensur Shtylla na komunikoi se ai do t’i sillte këto 24 copë bombola por pa dhënë detaje se ku ishin ato. Më pas i dhamë afat 5 ditë për t’i sjellë dhe e pezulluam nga puna deri në zgjidhjen e problemit. Më pas u gjetëm 21, domethënë Mensuri kish risjell në depo 15 bombola”, tha thënë drejtoresha.

Më pas drejtoresha ka thënë se është konstatuar se Shtylla nuk kishte dorëzuar as faturat e pagesës së oksigjenit. Pas këtij kontastimi është vendosur shkarkimi i tij. Në dosje thuhet se nuk ka asnjë detaj që të vërtetë se i akuzuari përfitonte ekonomikisht. Ndërkohë që ai është lënë në “arrest me burg”.

Në dosje thuhet se është marrë në pyetje edhe Mensur Shtylla i cili ka deklaruar se ai ka rreth 16 muaj që punon në spitalin e Kavajës me detyrë oksigjenist. Ai ka deklaruar se ka marrë bombola nga Spitali dhe o ka dhënë banorëve të ndryshëm të Kavajës për shkak të nevojave që kanë pasur pasi si qytetar i Kavajës ai kishte njohje me ta. I ripyetur nga prokurori ai ka deklaruar se “unë kam vepruar vetë, kam pasur kopje çelësi dhe nuk kam bashkëpunuar me ndonjë person tjetër. Nuk kam njoftuar eprorët e mi për këto veprime që kam kryer”./CNA.al





Lajmet e fundit nga