web counter
LEXO PA REKLAMA!

SHKARKO APP

App Store
Google Play

E fundit!

x

Duka pranon se ka komunikuar me krerët e partive të reja/ Zbulon kërkesën që u ka paraqitur atyre

8 Janar 2021, 17:54, Politikë CNA

Kreu i Partisë Agrare Ambientaliste Agron Duka ka pranuar se ka pasur kontakte me krerët e partive të reja që janë krijuar, ku ka zbuluar dhe kërkesën që u ka paraqitur atyre.

Duka ka deklaruar se u ka kërkuar krerëve të partive të reja të bashkohen me PD dhe aleatët, duke theksuar se Astrit Patozi dhe Jozefina Topalli e kanë kundërshtuar këtë gjë.

I pyetur nëse do të krijonte një koalicion me Bindjen Demokratike dhe Lëvizjen për Ndryshim, Duka e la të hapur si mundësi nëse nuk do të arrihen negociata me kreun demokrat Lulzim Basha.

“Unë kam takuar shumicën nga kryetarët e partive që janë krijuar tani dhe u kam propozuar që të bashkohen me të djathtët. Ka nga ata që kanë pranuar por ka edhe nga ata që janë kundër tre kryetarëve, siç është Topalli dhe Patozi, sepse këta janë bashkë.

Unë jam pjesë e kampit opoiztar dhe do të jem atje ku të jenë ata. Mundësitë për tu bashkuar me parti të tjera janë të hapura. Ky Kod Zgjedhor të diskriminon dhe ti je Ii detyruar të zgjedhësh diçka. Kodi Zgjedhor na rudh nw pretendimet tona. Nëse hyjnë bashkë, unë mendoj që Topalli dhe Patozi mund të marrin mandat”, tha Duka./CNA.al





Lajmet e fundit nga