E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Kë po përgatitet të gënjejë Monika!

8 Janar 2021, 15:21, Politikë CNA

Dje Monika në një nga dalje publike, kapërceu temat e seksit dhe leksioneve mbi xhelozinë në çift dhe foli diçka edhe për listat e zgjedhjeve. Monika dje deklaroi se në disa qarqe LSI do dilka me listë të vetën dhe në disa të tjera me listë të përbashkët me PD.

I analizojmë me rradhë!

Si fillim për ata që dëgjuan Monikën duhet të sqarojmë se Monika nuk del dot në zgjedhje me listën e LSI vetëm tek një pjesë e qarqeve. I duhet të dalë me lista të plota në të gjitha qarqet.

Kjo është çfarë Kodi Zgjedhor i vë kusht Monikës nëse do të rregjistrojë LSI-në në zgjedhje.

Nëse Monika i ka 140 emra kandidatësh atëherë i duhen të gjithë për tek lista e LSI. Nëse nuk ka ku i gjen 140 emra, atëherë mund të marrë kuptim loja që bën Monika duke bërë sikur ka plot, po në ca qarqe, do ja japë borxh Bashës, meqë ai i ziu nuk merr dot vota pa emra LSI-stësh në listat e veta.

Nëse nuk ka 140 emra, Monika mund të hyjë komplet te Basha. Po nuk mund të hyjë në ca qarqe e të dalë në ca qarqe të tjera! Se kështu jo vetëm Basha që hutohet kollaj, por do krijohet konfuzion edhe tek gjithë votuesit e PD-së.

Kodi ndalon që një subjekt zgjedhor të dalë me listë më vete dhe paralelisht të dalë edhe me listë koalicioni.

Nga kjo nuk kuptohet se pse Monika kërkon që Elona Guri psh. të mos votohet në fletën e votimit tek kutia: “LSI/Elona Guri”, por si fillim të shkojë tek lista e Lulit, ose koalicionit të Lulit për tu votuar pastaj tek kutia: “PD/Elona Guri.”!

Te ajo kuti, Elona Guri rrezikon mos marrë vota fare! Sepse ata që duan PD, nuk e lidhin dot PD-në me emrin e Elonës (Gurit). Ata që duan LSI-në me Elonën nga ana tjetër, nuk do e gjejnë dot Elonën (Gurin) te lista e LSI. Ndaj Monika duhet ti shohë pak më mirë gjërat.

Vetëm nëse Monika nuk i ka 140 emrat që i duhen, atëherë mund të dalë e të gënjejë duke thënë që i ka, po nuk i ka të gjithë te lista e LSI, se ca të tjerë i ka futur te Luli se ashtu është një muhabet./CNA.al