web counter
LEXO PA REKLAMA!

SHKARKO APP

App Store
Google Play

E fundit!

x

Habit Kryemadhi/ Rama ka frikë nga Elona Guri

7 Janar 2021, 21:49, Politikë CNA

Duke komentuar videon midis kryeministrit Edi Rama dhe Lefter Kokës, kryetarja e LSI, Monika Kryemadhi u shpreh se njeriu që është deleguar në Durrës pas Nasip Naços është Elona Guri.

Ajo tha se Guri është një kapacitet njerëzor dhe politik por dhe një organizatore shumë e mirë.

Kryemadhi deklaroi në Syri Tv se ditën që u zyrtarizua se Elona Guri do të ishte koordinatore politike e qarkut të Durrësit, Rama tha se do të shkonte në Vlorë, pasi sipas saj ky i fundit ka frikë.

?Po ta shikosh për sa i përket përfitimit, është partia e Lefterit dhe Nasipit, njerëz që vijnë nga hiçi politik dhe pastaj bëhen ministra, pastaj ikin në muajt e fundit nga LSI te PS-ja sepse ka vendosur LSI-ja t?i zëvendësojë me Elona Gurin. Ky ishte pretendimi i zotit Koka…

E para mos e përmendni emrin e Elona Gurit në narrativë, sikur Elona Guri është një njeri i thjeshtë. Elona Guri është nënë e dy fëmijëve, është me shkollë të lartë. Ka kapacitet organizativ. Për mua duhet të ishte në Parlament shumë kohë më parë…

Unë po t?i futem pazareve të atyre që duan të merren me politikë, Gjykata e Hagës nuk do të kishte më vend për këta kundër krimeve të njerëzimit. Ajo që dua të theksoj është që me delegimin e zonjës Guri në Durrës, LSI-ja vetëm 3 javët e para të shtatorit, nga një strukturë që më parë drejtohej nga zotëria, vajti 26%. Dhe faktikisht ditën që u diplomua zonja Guri, zoti Rama doli dhe përgënjeshtroi mesazhin e tij, që unë nuk do të kandidoj në Durrës, por në Vlorë.

Ditën që Elona Guri është bërë koordinatore politike e qarkut të Durrësit, Edi Rama ka thënë nuk kandidoj në Durrës. Ajo është grua dinamit. Është e vërtetë dhe reale, verifikojeni. Shikojeni intervistën në gusht të Edi Ramës?, theksoi kryetarja e LSI-së./ CNA.al





Lajmet e fundit nga