U caktua drejtues qarku në Durrës/ Paloka tregon pse u tërhoq Rama nga kandidimi

8 Janar 2021, 11:48, Politikë CNA

Ditën e djeshme nënkryetari i PD, Edi Paloka u konfirmua si drejtues qarku në zgjedhjte e 25 prillit.

Paloka është shprehur se Durrësi është një ndër qarqet me vështirësi më të madhe për shkak se pushteti ka qenë në dorën e krimit dhe të korrupsionit.
Në një intervistë për ABC, Paloka ka theksuar se emri i tij është caktuar pas disa diskutimeve ku një mundësi tjetër për të kandiduar ka qenë dhe Shkodra.

?Durrësi është një ndër zonat me probleme më të shumta si zonë elektorale dhe këtë e pamë dhe me dosjen 339 ku Rama përdori të gjithë format për të deformuar votën. Durrësi është qarku që jo vetëm durrsakët por të gjithë shqiptarët presin që të shikojnë ndryshimet pasi ka kohë që në atë qark ndihet fryma dhe presioni për ndryshimit ndihet më shumë. Dhuna e rilindjes përmes korrupsionit ka qenë më e ndjeshme dhe të gjithë institucionet kanë qenë nën drejtimin e krimit. Durrësi pret shpëtim, nëse në të gjithë Shqipërinë ka një revoltë dhe urrejte për këtë qeveri dhe për kryeministrin Rama. Vendimet merren bashkarisht, kemi diskutuar dhe u mendua që të jem në Shkodër ose ne Durrës, Shkodra do të ishte me e lehtë për këdo pasi është një qark me shumicë demokrate por siç theksova, Shkodra, Elbasani dhe Durrësi kanë qenë nën tutelën e drejtimit të krimit. Durrësi pas Tiranës është më i rëndësishëm pas Tiranës në të gjithë aspektet jo vetëm atë elektoral,ndaj dhe janë ndërthurur bandat për korrupsionin. Është një qark i vënë nën pushtetin e krimit dhe korrupsionit dhe qytetarët janë vënë në vështirësi mezi presin që të çlirohen?, ka thënë Paloka.

Ndër të tjera ai ka komentuar dhe disa nga lajmet që dolën para pak kohësh se Rama mund të ishte drejtues për PS-në në këtë qark.
Sipas Palokës, Rama u tërhoq pasi e pa se ishte i pashpresë.

?Rama u tërhoq nga Durrësi pasi kontaktoi me disa koka bandash nuk i dhënë shpresë ndaj dhe u tërhoq, këto janë fakte. Arsyeja pse ka ikur e ka parë me sytë e tij atë që i thonë sondazhet dhe pritet që në Durrës Rilindja të pësojë humbjen më të madhe për këtë ne i kemi dhënë rëndësi, dhe nëse do të ishte një barrë që do e mbaja vetëm unë do të ishte e pamundur, por është e gjithë PD-ja dhe opozita?, u shpreh Paloka./CNA.al