E fundit!

17:05 Kronika

Plagoset shtetasi në ambientet e Poliklinikës/ Në pranga babë e bir në Shkodër

Lokalizohet dhe vihet në pranga 18-vjeçari që plagosi me t...

Lidhja mes paradontozës dhe sëmundjeve të tjera

2 Janar 2021, 11:40, Lifestyle CNA

Nga Dr. Ketiona Agaj, mjeke stomatologe

Flosimi!!! A e dini ku prishen më shpesh dhëmbët tek adoleshentët dhe të rriturit?!
Midis dhëmbëve, aty ku ngecin ushqimet. Aty ku vetëm filli mund t?i pastroj. Flosimi na ndihmon gjithashtu të kemi mishra dhe kockë të shëndetshme rreth dhëmbit duke na ndihmuar edhe me shëndetin në përgjithësi.

Lidhja midis sëmundjes së mishrave të dhëmbëve (paradontozës) dhe sëmundjeve të tjera si: Alzaimeri, diabeti, sëmundjet kardio-vaskulare, lindjet e parakohshme, artritit reumatoid është reale!

Vitamina D3/K2 kjo është dyshja më fantastike për zhvillimin cilësor të kockave ku përfshihen edhe dhëmbët. Këto nutrient ndihmojnë në remineralizimin e strukturës së dhëmbëve duke parandaluar prishjet dhe duke ngadalësuar prishjet kur ato kanë nisur.

Çdo kush duhet të masë nivelet e vitaminës D periodikisht.
Vitamina D ka rol madhor gjithashtu në sistemin imunitar, cilësinë e gjumit dhe zhvillimin e trurit.

Hidratimi! Konsumi i ujit jo vetëm shpëlan gojën nga mbeturinat ushqimore, por edhe neutralizon aciditetin e krijuar nga ushqimet me sheqer. Më shumë ujë do të thotë edhe më shumë pështymë të pasur me enzima dhe antitrupa që mbrojnë dhëmbët nga prishjet.

Sa më pak ushqime të procesuara!
Ato janë plot sheqerna dhe ngjisin në dhëmbë. Bakteret e gojës, këto sheqerna i kthejnë shumë kollaj në acide dhe kështu nisin kavitetet në gojë. Mendoni kur këto ushqime formojnë zgavra të zeza në smalt çfarë efekti të keq kanë në zona të tjera të organizmit.

Frymemarrja nga hunda!
Sa prindër janë duke i bërë ‘gjërat mirë’, por përsëri fëmija i tyre ka kavitete?! Një arsye madhore që prishjet e dhëmbëve persistojnë është frymëmarrja nga goja natën apo edhe ditën. Frymëmarrja nga goja e than gojën, mban acide mjedisin në gojë dhe favorizon prishjet në dhëmbë.

Aroma e keqe nga goja dhe zhvillimi jo normal i nofullave janë efekte të tjera të një zakoni kaq të ”padëmshmën” në dukje.

Frymëmarrja duhet të bëhet vetëm dhe vetëm nga hunda!/CNA.al