E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Shpërthen Safet Gjici: Xhaja i dha fitoren Teutës, do marr vendim drastik

31 Dhjetor 2020, 08:49, Sport CNA

Presidenti i Kukësit Safet Gjici, është shprehur se Kukësi vazhdon të ?masakrohet? nga arbitrat, duke thënë se edhe sot ndaj Teutës e kanë pasur kundër gjykimin. Për ?Rubrika Sportive?, Gjici është shprehur se kërkojnë që arbitrat të mos ndikojnë në ndeshje.

?Nuk dua të justifikohet humbja. Por, ka 4 ndeshje që ndëshkohemi nga arbitrat. Të mos japësh penallti, kartonë të kuq. Kuptohet që ky është ndëshkim dhe inat për Kukësin. Nuk e kuptoj pse mbrohet ky fenomen. Kjo është tendencë. Rasti i golit të rregullt ndaj Tiranës. Në duam ta na lënë të luajmë futboll dhe të dalin kampionë ata që e meritojnë. Mirë me Tiranën na thanë që ishte një arbitër pa shumë përvojë. Në nuk do bëjmë luftë për të dalë kampionë, por të na lënë të luajmë. Çfarë duhet të themi për këtë arbitrin e sotëm. Nuk ka koment. Ishte 100% penallti.?, tha fillimisht Gjici.

?Po të ishe dhënë penalltia në minutën e 5-të ndeshja do të merrte trajtë tjetër. Rasti tjetër me Ezenë ishte penallti 100-150 %. Arbitri kamikaz kishte ardhur me qëllime të caktuara për t?i dhënë fitoren Durrësit. Nuk është ?Fair-Play? që Teuta e festoi atë fitoren. Nuk mund të dëmtohet në këtë mënyrë një ekip në 4 ndeshje radhazi.

Liga është, por çfarë kompetencash ka? Liga duhet të jetë vendimmarrëse. Arbitrat duhet të shkëputen nga FSHF. Të fitojë më i mirë, kujt i takon. Ku ta kërkojmë të drejtën?

Kola ndeshjen e kaluar ndikoi 100% në rezultat. Jemi ankuar në FSHF për ndeshjen me Tiranën. Do ankohen përsëri. Arbitrat janë ndëshkuar 8 javë kur na kanë dhënë ndonjë penallti që s?ka qenë në favorin tonë. Kur gabojnë kundër nesh nuk ndëshkohen asnjë javë. Nuk mundet askush të ndëshkojë investimin e Kukësit. Ne kemi nderuar futbollin dhe federatën. Nuk kemi asnjë njollë, kemi luajtur ndershëm. Nuk e marr vesh, pse ndodhin. Do takoj presidentin e FSHF-së dhe të Ligës, nëse nuk marr zgjidhje, do të marr vendim ekstrem.

Si Kukësi që bën investime 1 milionë euro, si dhe disa ekipe që bëjnë investime 200 mijë euro, në fund marrin të njëjtat rezultatet. E këshilloj klubin e Kukësit që të ndëshkojë rëndë lojtarët që kanë ardhur për shëtitje. Edhe ekipi ka problemet e veta, që klubi duhet të marrë masa. Kur ekipi luan futboll dhe ti nuk e lejon, kalon në pesimizëm. Në pjesën e dytë ekipi u demoralizua totalisht nga arbitri?, vijoi më pas presidenti i nderit të Kukësit.

?Juxhin Xhaja kur do e mban ndeshjen shumë mirë. Sot është i përdorur shumë keq nga Teuta. Të shikosh penalltinë, kartonët e kuq? Sot është përdorur shumë keq. Është nga ata arbitra që edhe kur do të të ndihmojë, nuk di ta bëjë. Sot e bëri baltë, mirë penalltinë e parë, po të dytën?! Kjo duket qartë që është i përdorur. Lërini ekipet të luajnë futboll. Titulli nuk vendoset në tavolinë. Nuk janë pronat e babait të tyre. Nuk e fal më këtë situatë, nuk duroj më. Nuk mund të ecet kështu, është e pafalshme.

Këto nuk janë lojtarë të Barcelonës, janë të Kukësit. Nuk e kanë ndjenjën e karakterit. Kjo varet nga shumë faktorë, ndoshta sepse nuk kam qenë afër. Nuk mund të justifikohet kjo gjë. Këta arbitra kanë përvojë të keqe, kur duan t?i bllokojnë këmbët një ekipi, japin kartonë dhe jo penallti. Mua më morën në mes të ndeshjes dhe më thanë që po na masakrojnë me kartonë. Në ndeshjet para i prisnin, pasi lojtarët duan kohën e tyre. Por, sapo e panë që po marrim veten, na u hodhën direkt.

Gega u ndëshkua, jo se nuk bëri punën e vetë, por u ndëshkua edhe nga arbitrat, por edhe nga lojtarët. Tani kemi kohë. Do i këshilloja klubit që disa lojtarë që sorollaten kot në fushë, të largohen, Gegës i thashë që s?ka pse nxitohet. Hallaçi do jetë trajner i Kukësit, por gjithçka varet nga rezultatet. Ne po bëjmë investime dhe jen një arbitër që të bën këtë si tani, i heq historinë një klubi që ka bërë arritje. Unë kërkoj që arbitrat të bëjnë punën e tyre. Nëse Kukësi nuk ka ekip për Europë dhe titull atë e shikojmë të gjithë. Megjithatë nuk justifikohet kjo humbje dhe do të merren masa.?, përfundoi Gjici.