web counter
LEXO PA REKLAMA!

SHKARKO APP

App Store
Google Play

Varianti i ri i Covid/ Koraqi: Mutacioni mund të ketë mbërritur në Shqipëri

28 Dhjetor 2020, 14:44, Sociale CNA

Shefi i laboratorit të Mikrobiologjisë në Qendrën Spitalore Universitare ?Nënë Tereza? Andi Koraqi nuk e përjashton si mundësi se varianti i ri koronavirusit i zbuluar në Britani mund të ketë mbërritur dhe në Shqipëri.

?Nuk e përjashtoj që varianti i ri të ketë ardhur në Shqipëri pasi ndalimi i fluturimeve me Anglinë u bë në një moment që ky shtam u zbulua, por ai ka qenë që në tetor-nëntor. Nuk është se zbulimi përkon me qarkullimin. Nga ana tjetër, ajo që është vërtetuar deri më tani është transmetueshmëria më e madhe. Gradualisht ai po zëvendëson të gjitha shtamet e tjera?, thotë Koraqi për ABC.

Ndryshimet që ka pësuar koronavirusi sipas mikrobiologut Andi Koraqi janë të mëdha me gjithë këtë mjeku thotë se ato nuk vënë në pikëpyetje vaksinën apo antitrupat tek personat që e kanë kaluar Covid 19.

?Llogaritet që ndryshimi i nukleotideve në këtë koronavirus, është dy ndryshime në muaj. Mutacioni i ri, ka një diferencë prej 29 nukleotidesh, pra është një hap gjigant që ka pësuar virusi. Megjithatë, nuk ka evidenca shkencore për të pasur frikë për faktin që virusi ka ndryshuar pamjen e tij sa të mos njihet nga antitrupat??, theksoi Koraqi./CNA.al





Lajmet e fundit nga