Ja si ndikojnë ushqimet në gjumin tonë

1 Janar 2021, 09:00, Sociale CNA

Ky nuk ka qenë një vit shumë i mirë për gjumin. Me pandeminë e koronavirusit, ndërprerjet e shkollës dhe të punës që kontribuojnë në net të shumta pa gjumë, ekspertët e gjumit i kanë inkurajuar njerëzit që të marrin një sërë masash për të kapërcyer pagjumësinë e tyre të lidhur me stresin. Ndër rekomandimet e tyre:angazhohuni në ushtrime të rregullta fizike, vendosni një rutinë gjatë natës, dhe reduktoni kohën e kaluar para ekraneve dhe mediat sociale. Por shumë njerëz mund të kenë një faktor tjetër të rëndësishëm që ndikon në cilësinë e dobët të gjumit

Të tyre:dietën ushqimore.

Një studim sugjeron që ushqimet që konsumoni, mund të ndikojnë tek cilësia e gjumit që bëni. Studiuesit kanë zbuluar se pasja e një diete të pasur me sheqer, yndyrna të ngopura dhe karbohidrate të përpunuara mund t?ju prishë gjumin, ndërsa konsumimi i më shumë ushqimeve bimore, fibrave dhe ushqime të pasura me yndyrna të pangopur – si arrat, vaji i ulliri, peshku dhe avokado, duket se ka efektin e kundërt, duke ndihmuar në promovimin e një gjumi të qetë.
Për të kuptuar më mirë marrëdhëniet midis dietës ushqimore dhe gjumit, disa studiues u janë drejtuar provave të kontrolluara rastësisht, në të cilat ata u tregojnë pjesëmarrësve se çfarë të hanë dhe më pas analizojnë ndryshimet në gjumin e tyre.

Një numër studimesh, kanë shqyrtuar ndikimin e një grupi të larmishëm ushqimesh individuale, nga qumështi i ngrohtë tek lëngu i frutave. Por ato studime shpesh kanë qenë të vogla dhe jo shumë rigoroze. Për më tepër, disa nga këto prova janë financuar gjithashtu nga industria ushqimore, dhe kjo mund ta bëjë të paragjykuar rezultatin e studimit. Një studim i financuar nga ?Zespri International?, kompania më e madhe në botë e tregtimit të kivit, zbuloi se disa njerëz që hanin 2 kokrra kivi një orë para se të flinin, kishin përmirësime në fillimin e gjumit, kohëzgjatjen dhe efikasitetin e tij.

Autorët e studimit ia atribuan gjetjet e tyre një ?bollëku? antioksidantësh që gjenden tek kivi. Por studimi nuk kishte një grup kontrolli, ndaj ka të ngjarë që ndonjë përfitim mund të ketë rezultuar nga efekti placebo.Studime të tjera të financuara nga industria e qershive, kanë zbuluar se pirja e lëngut të qershisë mund të përmirësojë në mënyrë modeste gjumin tek njerëzit që vuajnë nga pagjumësia, duke promovuar triptofanin, një nga blloqet ndërtues të hormonit melatonin që rregullon gjumin. Triptofani është një aminoacid që gjendet tek shumë ushqime, përfshirë qumështin dhe gjelin e detit, dhe kjo është një nga arsyet pse shumë prej nesh ndihen shumë të përgjumur pas festës të Falënderimeve apo Krishlindjes.

Mari-Pier Onzh, profesore e asociuar e mjekësisë ushqyese në Universitetin e Kolumbias, SHBA, merret prej shumë vitesh me studimin e marrëdhënies midis dietës ushqimore dhe gjumit. Puna e saj sugjeron se në vend se të vihet theksi tek një ose dy ushqime specifike, me gjoja vetitë që shkaktojnë tek një gjumë i mirë, është më mirë të përqendroheni në cilësinë e përgjithshme të dietës suaj ushqimore. Në një test klinik të rastësishëm, ajo dhe kolegët e saj rekrutuan 26 të rritur të shëndetshëm dhe kontrolluan atë që ata hëngrën për 4 ditë, duke u siguruar atyre vakte të rregullta të përgatitura nga nutricionistë, ndërsa monitoruan mënyrën sesi flinin natën. Ditën e pestë, subjektet u lejuan të hanin çfarë të donin. Studiuesit zbuluan se ngrënia e më shumë yndyrnave të ngopura dhe e më pak fibrave nga ushqime si perimet, frutat dhe drithërat integrale, çuan në ulje të gjumit me valë të ngadalta, që është lloji i gjumit të thellë dhe më rikuperuesi për trupin e njeriut.

Në përgjithësi, testet klinike kanë zbuluar gjithashtu se karbohidratet kanë një ndikim të rëndësishëm tek gjumi:Njerëzit kanë prirjen të flenë shumë më shpejt kur konsumojnë një dietë me karbohidrate të larta, në krahasim me ata që kanë një dietë ushqimore me shumë yndyra apo proteina.
Kjo mund të ketë një lloj lidhje me karbohidratet që e ndihmojnë triptofanin të kalojë më lehtë në tru. Por rëndësi ka edhe cilësia e karbohidrateve. Në fakt, ato mund të jenë një thikë me dy presa kur bëhet fjalë për dremitje.

Dr.Onzh ka zbuluar në hulumtimin e saj se kur njerëzit hanë më shumë sheqer dhe karbohidrate të thjeshta, si buka e bardhë, makaronat etj – ata zgjohen më shpesh gjatë gjithë natës. Pra konsumi i karbohidrateve mund t?ju ndihmojë të bini në gjumë më shpejt.
Por është më mirë të konsumoni karbohidrate ?komplekse? që përmbajnë fibra, të cilat mund t?ju ndihmojnë të keni një gjumë më të thellë dhe rikuperues.
?Karbohidratet komplekse, sigurojnë një nivel më të qëndrueshëm të sheqerit në gjak. Dhe në si ai është më i qëndrueshëm gjatë natës, kjo mund të jetë arsyeja pse karbohidratet komplekse shoqërohen me një gjumë më të mirë?-thotë Onzh./Përshtatur nga CNA.al

Burimi: https://www.nytimes.com/2020/12/10/well/eat/sleep-foods-diet.html