web counter
LEXO PA REKLAMA!

SHKARKO APP

App Store
Google Play

E fundit!

x

Përdorimi i teknologjisë në zgjedhje/ Kristaq Kume tregon si do aplikohet ky proces

26 Dhjetor 2020, 17:11, Sociale CNA

Tenderi për identifikimin biometrik të votuesve në zgjedhjet e 25 prillit do të jetë i hapur deri në 5 janar dhe gjatë 2 javëve të para të vitit të ri pritet të shpallet kompania fituese.

Kosto e këtij procesi llogaritet rreth 20 milionë euro dhe, vetëm pasi KQZ të shpallë kompaninë fituese qeveria do të alokojë fondet përmes një akti normativ.

Konstitucionalisti Kristaq Kume në një intervistë për Euronews Albania  tha se përdorimi i teknologjisë në zgjedhje do të aplikohet në dy drejtime kryesore:

?Siç duhet në bazë të asaj, që është fiksuar në Kodin Zgjedhor, në zgjedhjet e ardhshme të 25 prillit, teknologjia e informacionit do të përdoret në dy drejtime. Për të identifikuar zgjedhësit në mënyrë elektronike, dhe e dyta  përdorimi në formën projekt-pilot, ku do të përfshihen jo më shumë se 20 % e zgjedhësve, ku do të shikohet se si do të ecë votimi dhe numërimi elektronik?, tha ai.

Ai tha se Komisioni Qendror i Zgjedhjeve ka miratuar udhëzimet përkatëse për këto dy çështje, duke bërë edhe kostot minimale dhe ato maksimale.

?KQZ ka miratuar dy udhëzimet përkatëse për këto dy çështje, po ashtu ka bërë edhe llogaritjet, kostot financiare minimum dhe maksimum, dhe shumë shpejt do të bëhet gara me një procedurë të përshpejtuar. Qeveria duhet të bëjë financimet përkatëse, në mënyrë që mund të realizohet gjithçka dhe të zbatohet ajo që është rënë dakord në Këshillin Politik mbi Kodin Zgjedhor?, tha ai.

Sipas z. Kume përdormi i teknologjisë në zgjedhjet e 25 prillit do të ulë ngushtimin e hapësirave për votim të shumëfishtë, fenomen ky, i cili ka qenë prezent në zgjedhjet e kaluara në Shqipëri.

?Përdormi i teknologjisë në këto zgjedhje, pritshmëritë për të janë dy: E para, nëpërmjet identifikimit biometrik të zgjedhësve, është ngushtimi i hapësirave për votimin e shumëfishtë, rritje e standardit në votimi. Projektet pilot do të tregojnë sa dhe si jemi të aftë të përdorim teknologjinë në numërimin e votave, pastaj i përdorim këto si argumente lidhur me vendimin që do merren në të gjithë proceset që do bëhen pas zgjedhjeve të 25 prillit”, shtoi ai.

I pyetur se sa funksional mund të jetë përdorimi i teknologjisë në zgjedhjet parlamentare të 25 prillit, z. Kume u shpreh si vijon:

?Nuk kemi pse të themi se gjithçka vihet përpara një pikëpyetje. Ajo që ofron teknologjia e informacionit, për mendimin tim e bën të mundshëm zbatimin e asaj çfarë  është synuar në të dyja ato aspekte, që në thamë.  Nuk jemi ne të parët që e përdorim, pasi në shumë vende të botës janë kthyer në rutinë. Përdorimi i kësaj teknologjie siç është fiksuar në Kodin Zgjedhor, nuk ka të bëj KQZ

ë me atë që e qytetarët e konsiderojnë si votim elektronik, është përdorimi i kësaj teknologjie në cikël të mbyllur, dhe mundësitë për ndërhyrjet nga jashtë janë të kufizuara?, shtoi ai.

Vendimin e KQZ-së për të ndaluar promovimin e projekteve politike deri më 25 prill z. Kume e sheh si hap pozitiv.

?Ligji thotë ?partitë të deklarojnë aktivitetet, po ashtu katër muaj para zgjedhjeve është e ndaluar që qeveria të organizojë aktivitete, që ndikojnë tek vullneti i zgjedhësve në procesin e votimit?. Është ndaluar edhe dhënia e koncesioneve nga qeveria. Nuk është se nuk diheshin këto fenomene, por ama ka munguar në mënyrë të skajshme vullneti për të bërë këtë gjë, dhe ajo që u arrit në Këshillin Politik është diçka që duhet mirë-përshëndetur?, shtoi z. Kume./euronews





Lajmet e fundit nga