Izolimi i vitit 2020, po u shkakton gjëra të çuditshme trupave tanë

1 Janar 2021, 10:00, Sociale CNA

Pacientët shkojnë tek Mona Gohara, dermatologe dhe profesore në Shkollën e Mjekësisë në Jeil, për të gjitha llojet e arsyeve, nga analizat e kancerit të lëkurës deri tek procedurat kozmetike. Por, këtë vit më shumë se kurrë ata janë të shqetësuar për flokët e tyre.

Dhe nuk është rastësi. Stresi,që këtë herë shkaktohet nga të jetuarit në mesin një pandemie vdekjeprurëse, dihet se shkakton rënie të flokëve. Miliona amerikanë i kanë kaluar 9 muajt e fundit duke jetuar në një makth të shëndetit publik dhe një krize ekonomike të paparë. Atyre u është dashur të përballen me të gjitha këto duke shmangur tubimet, duke kufizuar kontaktin fizik dhe kur është e mundur duke qëndruar brenda shtëpive të tyre. Por izolimi dhe ankthi gjatë këtij viti kanë sjellë me vete efekte të shumta anësore. Ato mund të jenë duke i shkaktuar gjëra të çuditshme trupave tanë.

Nëse keni vërejtur që cikli juaj menstrual është këtë vit i ç?rregullt, nuk jeni të vetmet.

?Më shumë paciente po raportojnë perioda të ç?rregullta që nga fillimi i pandemisë?– thotë për Vox, Meri Minkin, obstetër gjinekologe në Shkollën e Mjekësisë në Jeil.
Fajtori i mundshëm, ashtu si me rënien e flokëve, është ankthi i të jetuarit në një kohë kaq të vështirë dhe të pasigurt. Dhe sipas disa ekspertëve, jeta në izolim mund të jetë duke ndryshuar erën e trupit të njerëzve . Dhe këto janë vetëm disa nga efektet më të vogla. Por disa ekspertë janë gjithashtu të shqetësuar pasi izolimi ka dokumentuar efekte në shëndet, duke rritur rrezikun e sëmundjeve kardiovaskulare dhe madje edhe të vdekjes.

?Njerëzit konsiderohen si një qenie sociale?-thotë për Vox Xhulian Holt-Lunstad, profesore e psikologjisë dhe neuroshkencës në Universitetin Brigam Jang, që studion ndikimin e marrëdhënieve shoqërore tek shëndeti i njeriut.

Njerëzit po ankohen se qëkur nisi pandemia kanë një aromë më të keqe të trupit të tyre. ?Unë jam një njeri që krenohem me aromën e freskët të trupit tim. Por gjatë verës së këtij viti, aroma e trupit tim ndryshoi aq shumë sa që më zgjonte në mes të natës?- shkroi Zhozef Lamur në ?Mic?, në muajin korrik.
Nuk ka ende kërkime të plota mbi ndryshimet në aromën e trupit të njerëzve gjatë pandemisë. Por raportet të shkëputura janë mbledhur nga Xhuli Horvat, drejtuese e Laboratorit të Kërkimeve të Gjenomikës dhe Mikrobiologjisë, në Muzeun e Shkencave të Natyrës të Karolinës së Veriut.

?Kur qëndrojmë shumë në shtëpi,ne rrimë më gjatë në kontakt me kafshët shtëpiake dhe familjarët tanë, me të cilët më parë nuk kalonim aq shumë orë së bashku. Kjo do të thotë që ne po shkëmbejmë mikrobe me një grup tjetër njerëzish (dhe kafshësh) më shumëse zakonisht, gjë që mund të ndikojë në aromën e trupit tonë. Kalimi i më shumë kohe në ambiente të mbyllura gjithashtu mund të ndikojë tek mikrobioma, ashtu si veshja e llojeve të ndryshme të rrobave. Për shembull, pëlhura sintetike mund të përmbajë lloje të ndryshme mikrobesh nga pambuku. Dhe shumë njerëz e kanë ndryshuar stilin e tyre gjatë pandemisë. Dikur mbanin veshur një këmishë të bukur, por tani ata mbajnë xhinse shpesh të palara?- thotë Horvat.

Ajo shton se tek mikrobioma mund të ndikojë edhe stresi. Kur jeni nervozë, një grup specifik gjëndrash, gjëndrat apokrine, prodhojnë djersë. Kjo djersë përmban përbërje të ndryshme nga djersa që vjen nga gjëndrat ekrinike, të cilat veprojnë kur keni shumë vapë. Dhe nëse gjëndrat tuaja apokrine – që gjenden nën sqetull dhe disa vende të tjera në trup – janë shumë aktive, atëherë ato janë duke siguruar një ?burim të ndryshëm ushqimi për disa prej atyre mikrobeve që ndodhen atje, dhe mbase po nxisni krijimin e disa aromave të ndryshme?,thotë Horvat.

Por mikrobioma nuk ndikon vetëm në mënyrën e nuhatjes. Bakteret e dobishme në lëkurën tonë krijojnë një ?pengesë mbrojtëse?, sipas Horvat. Larja e duarve me ujë dhe sapun, thjesht lan shtresën e mikrobeve, duke lejuar qëndrimin e atyre të mira.

Por dezinfektanti i duarve i vret të gjitha mikroorganizmat në lëkurën tuaj. Prandaj përdorimi i shumë mjeteve pastruese të duarve gjatë pandemisë mund të na lerë më të prekshëm ndaj puçrrave apo infeksioneve të tjera të lëkurës. Izolimi i këtij viti ka sjellë me vete edhe ndryshime të tjera fizike. Përveç rënies së flokëve, ka një shtim të thinjave tek njerëzit, dukuri që sërish mund të jetë e lidhur me stresin. Ndërsa mekanizmi përmes të cilit stresi shkakton thinjat nuk është kuptuar plotësisht, një studim i kohëve të fundit tek minjtë, zbuloi se stresi shkaktonte vdekjen e qelizave burimore që prodhojnë melanocite, qelizat në gjëndrat e flokëve që prodhojnë pigmentin.

Stresi mund të bëjë që lëkura jonë të duket më keq, thotë Gohara. Ai shkakton një rritje të hormonit të kortizolit, dhe mund të shkaktojë shumë efekte negative nga tharja e lëkurës tek sytë e fryrë.

Një rritje e stresit gjithashtu mund të çojë në më shumë puçrra, diçka e përkeqësuar gjithashtu nga fërkimi i maskës së fytyrës. Por vetmia mund të shkaktojë efekte dhe më të rënda fizike. Në një sondazh të zhvilluar në muajin gusht për shembull, dy të tretat e të rriturve raportuan izolim social dhe më shumë se 7 në 10 prej tyre, u shprehën se pandemia e kishte bërë më të vështirë lidhjen me miqtë./Përshtatur nga CNA.al

Burimi: https://www.vox.com/22170231/stress-lockdown-social-distancing-2020-pandemic-isolation