E fundit!

21:38 Aktualitet

“Rama jepe dorëheqjen”/ Protestuesit marshojnë në rrugët e kryeqytetit

Pas fjalimeve para Kryeministrisë, protestuesit kanë nisur...

Ca të nënës e ca të njerkës/ Policia gjobit 50 milionë qytetarët dhe vetëm 10 milionë Blushin

26 Dhjetor 2020, 11:41, Politikë CNA

Dy ditë më parë është bërë një denoncim nga ish kryeministri Sali Berisha dhe më pas CNA.al publikoi vidoet ekskluzive ku në ?Pub Republika? të Blushit u organizua një festë më rreth 200 persona, në një kohë kur vendi është në izolim për shkak të pandemisë së Covid.

Policia tentoi ta kalojë në heshtje për dy ditë këtë skandal dhe sot në mesditë bëri një njoftim ku tha se çfarë kishte ndodhur realisht dhe njoftoi se kishte vendosur edhe një masë administrative megjithëse nuk ka shpërndarë fletë gjobën për mediat.

Por, sërish këtu jemi përballë një skandali. Disa të rinjë të cilët protestuan për vrasjen e Klodian Rashës, ku ishin 20 apo 30 veta para Bashkisë së Korçës u gjobitën me 50 milionë lekë për organizimin e protestës apo mbledhjen në kohën e pandemisë, e cila mund të rrezikonte edhe shëndetin e njerëzve dhe në atë kohë vetë kryeministri, ministri i Brendshëm, e ministrja e Shëndetësisë bënin apel për shmangien e protestave sepse është kohë pandemie dhe përbënin rrezik për jetën.

Ndërkohë që protesta bëhej në ambient të hapur dhe shumë nga protestuesit kishin vendosur maska. Pavarësisht si shkoi ngjarja dhe pasojat që pati, edhe pse qytetarët protestuan në ambient të hapur u gjobitën 50 milionë sepse iu rrezikonte jetën njerëzve. Ndërkohë Blushit, në lokalin e tij në ditën e parë të mbylljes pas orës 20:30 nuk iu vendos 50 milionë gjobë por vetëm 10 milionë lekë.

Qytetarit të varfër, të rinjve, atyre që protestojnë për padrejtësitë që bëhen u vendoset 50 milionë gjobë sepse protestojnë në shesh të hapur. Blushi në lokalin e tij mbledh 200 vetë, kthehet në një ?bombë shëndetësore? pasi është ambient i mbyllur me sistem kondicionimi, me ngrohje ku virusi mund të përhapet në mënyrë të frikshme, gjobitet vetëm 10 milionë.

50 milionë për qytetarët edhe 10 milionë për Blushin, një i nënës dhe tjetri i njerkës, sepse Blushin e ka frikë drejtori i Policisë sepse është shoku i ministrit, kurse qytetari mbytet në gjoba për ta zhytyr akoma më thellë në varfëri dhe mjerim.

Kjo është diferenca dhe ky është skandali i radhës i policisë, 50 milionë për qytetarët dhe 10 milionë për Blushin, për të njëjtën çështje dhe megjithëse qytetarët ishin në ambient të hapur dhe Blushi në ambient të mbyllur./CNA.al

?Bomba shëndetësore? natën e Krishtlindjes/ Policia gjobit lokalin e Blushit

Policia e Korçës zhytet në korrupsion apo e trodhi Blushi?!

Foto-video ekskluzive/ Policia mbyll lokalin e Ben Blushit

Festa e çmendur në kohë pandemie/ Policia mësyn lokalin e Ben Blushit në Korçë

Video-Skandali/ Shqipëria në karantinë, lokali i Ben Blushit në Korçë bën gjëmën