“Zbërthehet” Rama/ Tregon marrëdhënien 20 vjeçare me Metën, flet për Berishën e Bashën

25 Dhjetor 2020, 08:11, Politikë CNA

Kryeministri Edi Rama ka folur për marrëdhënien e tij 20 vjeçare me presidentin Ilir Meta.

Rama e ka cilësuar Metën si ?njeri me hënë?, pasi sipas tij është shumë i pasigurt brenda vetes dhe kjo e bën të paqendrueshëm.

?Iliri është dy në një, është dy njerëz në një në çdo moment dhe ajo që unë i them është: Iliri është njeri me hënë. Është shumë i pasigurtë brenda vetes dhe kjo e bën dhe të paqendreshëm pro ne thelb unë s’kam asnjë problem me të?, shprehet Rama.

Merreshit vesh bashkë?

Rama: Me Ilir Metën unë ose jam marrë vesh shkëlqyer ose s’jam marrë fare është rast unik se është dy veta, varët se kë Ilir të bie radha të kesh përballë në atë moment kur ke një çshtje për të trajtuar.

Përsa i përket ish kryeministrit Sali Berisha, Rama thotë se ai është shembulli për njeriun që e përdor pushtetin si qëllim.

I njihni një gjë pozitive?

?Në aspektin e punëve vështirë, në aspektin e metodës, vështirë. Në aspektin e lidershipit Po. ka qenë dhe është tashi më mirë mos flasim se është në rënie të lirë por karizmatik, shumë i vendosur dhe mbi të gjitha shumë i aftë për të shkuar dejt objektivit dhe për të mos u hallakatur gjatë rrugës, është shumë më tepër strategjik se taktik në aspektin e natyrës së lidershipit, kjo e ka bërë dominant në shumë kohë në parti, por dominant edhe në këtë periudhë të historisë?, thotë Rama.

Më bën përshtypje, ndërkohë që ju identifikoni Berishën apo Metën si problem të opozitës së sotme, pothuaj gjithmonë kurseni Bashën?

Rama: Nuk është se e kursej. Hiri i së vërtetës e do të thuhet. Mund ta diskutosh gjerë e gjatë karakterin e lidershipit të Saliut, karakterin e lidershipit të Nanos. Mund të diskutosh jo aq gjerë dhe gjatë se është më e thjeshtë, por gjithsesi mund ta diskutosh karakterin e lidershipit të Ilir Metës, që gjithsesi nuk mund të krahasohet me këta dy të tjerët për nga pikëpamja e kapaciteteve të lidershipit, po ka stof politik. Luzlim Basha nuk është lider.

Sepse nuk ka fituar akoma zgjedhjet.

Rama: Nuk ka lidhje me fitoren e zgjedhjeve. Lulzim Basha është një drejtues pa karakter. Nuk ka karakter, si të them. Kjo tryezë ka karakter, ky abazhur ka karakter, ky mermer këtu ka karakter, ndërkohë që ajo është një lloj paluzeje, që nuk di merr formën, nuk di. Se ka politikanë që marrin formën e vazos gjithmonë, por nuk janë lider. Nuk ka lider që merr formën e vazos