web counter
LEXO PA REKLAMA!

SHKARKO APP

App Store
Google Play

Kulluri ironizon Bashën/ Nëse fiton zgjedhjet, duhet të spostojmë kullën e Eifelit në New York

24 Dhjetor 2020, 18:39, Politikë CNA

?Nëse zoti Basha fiton, duhet të spostojmë kullën e Eifelit në New York?.

Kështu deklaroi me tone ironike ish-anëtari i Këshillit Kombëtar të Partisë Demokratike, Edvin Kulluri, i cili pretendon se nuk ka asnjë mundësi që Basha të fitojë në zgjedhjet e ardhshme parlamentare.

Kulluri kundërshtoi mënyrën e përzgjedhjes së kandidatëve për deputetë në PD, duke e quajtur këtë proces rrumballë.

?Kjo është rrumpallë tipike e Lulzim Bashës, e cila e mbivendosur me të gjitha rrumpallat nga viti 2013 deri sot ka sjellë këtë kaos. Mënyra si u bë lista e 2017-ës dhe ky procesi i sotëm tregojnë amullinë në të cilën ndodhet procesi i selektimit të kandidaturave?, u shpreh ai në emisionin ?Top Talk?.

Ndërkohë, përsa i përketv deklaratës së ish-presidentit Bujar Nishani për ish-deputetin e PD-së Romeo Gurakuqi, ish-anëtari i Këshillit Kombëtar tha se është e papranueshme.

?Një ish-zyrtar i lartë nuk mund të flasë për dosje dhe të përdorë në publik dosje, sepse mua si ish- zyrtar i qeverisjes së PD-së më ngre dyshime të mëdha se çfarë ka ndodhur në atë kohë(dosjet jane te klasifikuara). Kjo është një pikëpyetje që zoti Nishani duhet të japë shpjegime. A duhet të përdoren dosjet e shtetit për të shantazhuar kolegët e tu?, theksoi ai.

?Ne po bëjmë muhabet rrugësh këtu, procesi i përzgjedhjes  së kandidaturave sot është katandisur në një lum akuzash; spiun, qen mace, bashkëpunëtor i Ramës, i korruptuar. Procesi dhe komisioni kanë dështuar në mënyrë spektakolare. Njëri nga anëtares e komisionit është shprehur se Berisha nuk duhet të jetë më pjesë e parlamentit, që nuk ka qenë fare objekt i këtij komisioni?, vijoi më tej Kulluri./ CNA.al





Lajmet e fundit nga