Fshati digjet, Safeti krihet

24 Dhjetor 2020, 12:40, Politikë CNA

Fshati digjet, Safeti krihet, kjo shprehje popullore përtej kufijëve të Shqipërisë vlen shumë për Safet Gjicin, kryetarin e Bashkisë së Kukës. Njeriu i cili u zgjodh në këtë bashki me një bingo, pasi iu fal nga opozita e Lulit që nuk futi kandidatët e saj, tashmë kujton se është sulltani i Kukësit dhe jo kryebashkiaku që duhet tu shërbej atyre edhe për pak kohë, pasi menjëherë sa të zhvillohen zgjedhjet lokale të rradhës apo para, kjo nuk ka rëndësi, Safeti nuk do të jetë më i tillë, por do të ikë me turp nga ajo detyrë.

Me turpin e shumë e shumë skandaleve. Së pari, atë të një veprimi të pështirë që krehu me Veton Suroin, duke dalë e duke folur me zë dhe figurë, duke sulmuar dhe akuzuar publicistin dhe politikanin kosovar, por nga ana tjetër e mohoi dhe kërkoi të falur pasi Edi Rama i futi disa ?shpulla? të mira në kokën e tij të fryrë nga budallallëqet dhe injoranca e paepër. Nga fjalët që kishte thënë live, në mbledhjen e këshillit të qarkut.

Por nuk do të mjaftonte kjo. Safeti vazhdon të krihet kur Kukësi digjet. Dje mediat raportuan masivisht se Gjici kishte kërkuar rritje taksash sërish për vitin 2021. Në kohë pandemia, në kulmin e një krize ekonomike që pritet të thellohet ende në Shqipëri, Safeti duke kujtuar se është sulltani që mbledh taksat dhe harraçin e ?skllevërve? të tij kuksian ka vendosur të rrisë taksat.

Taksat ndaj biznesit, taksat ndaj qytetarëve dhe kjo ka sjellë një reagim, pasi kjo është e vetmja bashki që pretendon një rritje të tillë. Në të gjitha buxhetet vendore parashikohet rritja e të ardhurave, por jo rritje taksash direkt.

Bashkitë po përpiqen të gjejnë një mënyrë tjetër, pra mirëadministrimin, të përpiqen të falin diçka nga taksat dhe tarifat e shërbimeve për të lehtësuar sadopak biznesin. E në Kuksin e varfër, Safeti që krihet edhe pse është pa flokë, kërkon të rrisë barën e taksave për qytetarët dhe të bizneseve të Kukësit.

E pra, ky është rasti për të thënë vërtetë që Kukësi digjet dhe Safeti krihet. Jo vetëm për taksat, jo vetëm për rastin e Veton Surroit, por edhe për faktin se i ka rënë një bingo, e cila në vend që t?i kthehej në një mirësi, në një mirëadministrim, në një qëllim në vetvete që duhet të ishte shërbimi ndaj qytetarëve, Safet Gjici turpësisht e ka kthyer në shërbim të interesave të tij personale dhe të dëmeve që po i shkakton çdo ditë banorëve dhe bizneseve të Kukësit të cilat janë të parikuperueshme në këto kohë të një pandemie dhe krize të thellë ekonomike.

Mesa duket krëhëri në kokën e Safetit i bëka keq, shumë keq, më keq se pushteti, gjithësesi kuksianët nuk mund ta tolerojnë që të krihet apo të thyejë krëhërin në kokë pafund një sulltan, njeri që po i merr shpirtin me taksa, gjoba dhe keqmenaxhim të pushtetit vendor qytetarëve dhe biznesit të kësaj zone./CNA.al