E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

“Sa herë ka zgjedhje, rriten parcelat me kanabis”/ Meta: Shqipëria burim kryesor për trafiqe në botë

23 Dhjetor 2020, 22:14, Politikë CNA

Presidenti Ilir Meta, ka folur mbrëmjen e sotme për fenomenin e kanabisit dhe krimit që rritet me ardhjen e zgjedhjeve në vend.

Meta pohoi se sa herë ka periudhë elektorale, rriten sipërfaqet e kultivuara, ndërsa theksoi se vendi ynë është burim kryesor në Europë për kanabisin apo trafiqe të tjera dhe përdoren si lojë politike për të qëndruar në pushtet.

?Fakti që jemi në një vit elektoral, është për të mos kërkuar dhe shumë angazhim në këtë drejtim pasi dihet se sa herë ka pasur periudha elektorale, janë rritur sipërfaqet e kultivuara, ashtu sikurse dhe aktivitetet e tjera të grupeve kriminale për fat të keq. Kështu që ky konstatim ose vlerësimet e Kombeve të Bashkuara që cilësojnë vendin tonë si një burim kryesor në Europë për kanabisin dhe trafiqet, janë të përsëritura dhe solide dhe kuptohet që është mungesa totale e vullnetit politik për të luftuar këto fenomene dhe akoma më keq është loja politike për ti përdorur aktivitete të tilla kriminale me interes të deformimit të proceseve zgjedhore apo të favoreve për të tërhequr këto grupe në përpjekje për të mbajtur me pahir pushtetin?, u shpreh ai në Fax News.

Kreu i Shtetit deklaroi se ngjarjet kriminale po cënojnë seriozisht sigurinë dhe pretendon se sa më shumë të rritet fenomeni i pastrimit të parave, aq më shumë problem do ketë edhe në sigurinë kombëtare.

?Pa asnjë diskutim që siguria është cënuar seriozisht dhe sa më shumë të rriten fenomenet kriminale, sa më shumë të rritet dhe fenomeni i pastrimit të parave, sa më shumë të minohet klima e konkurrencës dhe e motivimit të atyre që bëjnë një biznes të ndershëm, të shëndetshëm, aq edhe më shumë problem do ketë edhe në sigurinë kombëtare, por edhe sa i takon ekonomisë kombëtare pasi në një situatë të tillë, demotivohen të gjithë investitorët seriozë vendas apo të huaj dhe natyrisht që ky është një inkurajim vetëm për grupimet kriminale që kërkojnë të dominojnë, të vendosin mbizotërimin e tyre në cdo aspekt, në tregti, në cdo investim dhe në këtë mënyrë të rriten cmimet, të rriten kostot e qytetarëve edhe të gjithckaje tjetër, kuptohet të gjithë bizneset të kthehen në kontraktorë të nënkontraktorëve. Pra të gjithë të punojnë për shumë pak njerëz?, theksoi Meta./ CNA.al