web counter
LEXO PA REKLAMA!

SHKARKO APP

App Store
Google Play

Kushtetuesja funksionale/ Yuri Kim: Hap gjigant! U plotësua 1 nga 2 kushtet për integrimin

23 Dhjetor 2020, 17:34, Politikë CNA

Ambasadorja e SHBA, Yuri Kim, ka reaguar menjëherë pas emërimit nga presidenti Meta të Përparim Kalo si anëtari i gjashtë të Gjykatës Kushtetuese.

Kim e quan një lajm të rëndësishëm plotësimin e Kushtetueses ndërsa shprehet se pasi Përparim Kalo të betohet nesër, dhe do të bëhet një kuorum. Diplomatja amerikane shkruan po ashtu se merita të mëdha shkojnë për Presidentit, KED dhe Parlamentin.

“Lajm i madh. Presidenti Meta ka dekretuar Përparim Kalon si gjyqtar të 6-të të Gjykatës Kushtetuese.

Sapo Kalo të bëjë betimin nesër, do të ketë kuorum. Shqipëria do ta përmbyllë vitin 2020 me një Gjykatë Kushtetuese funksionale- pas gati 3 vitesh.

Presidenti, KED dhe Parlamenti kanë një meritë të madhe! Ky ishte një veprim urgjent nga udhëheqësit, në përputhje me opinionin e Komisionit të Venecias.

Me një Gjykata Kushtetuese funksionale, Shqipëria tani plotëson 1 nga 2 kushtet për hapjen e negociatave për anëtarësimin në BE. Ky është një hap gjigant përpara. Urime popullit të Shqipërisë! Le të vazhdojmë të ecim përpara”, shkruan Kim në Twitter. /CNA.al

 





Lajmet e fundit nga