E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Dashamir Shehi “shuplakë” Bashës/ Tregon me çfarë liste do dalin në zgjedhje

23 Dhjetor 2020, 12:25, Politikë CNA

Kreu i Lëvizjes për Zhvillimin Kombëtar Dashamir Shehi duke komentuar situatën në të cilën ndodhet vendi është shprehur se në 2021 opozitën, dhe jo vetëm, e presin shumë gjëra përpara.

Sipas Shehit, shqiptarët vitin e ardhshëm duhet të shpëtojnë nga dy lloj virusesh, nga COVID së pari dhe së dyti sipas tij nga kryeministri aktual Edi Rama.

Në një reagim për CNA.al, Shehi i ka dhënë një goditje të fortë kreut të PD Lulzim Bashës, ku thekson se është përgjegjësia e opozitës për të larguar këtë qeveri me votë. Për kreun e LZHK largimi i Ramës nuk do të thotë vetëm rotacion politik, por një shpresë më e mirë për qytetarët.

?Presim shumë gjëra nga 2021. Së pari presim për gjithë shqiptarët dhe për të gjithë botën që të mbarojë kjo puna e COVID-it. Ky është halli i përgjithshëm. E dyta presim që të largojmë edhe këtë koronën tjetër që e ka zënë Shqipërinë prej shumë vitesh, zotin Rama me gjithë grupin e vet.

E treta është detyra jonë dhe e gjithë opozitës shqiptare që t?i japin shpresë shqiptarëve, të çajnë një rrugë të re që shqiptarët të jetojnë si njerëz mos kenë më atë dëshirë të tërbuar për tu larguar.

Pastaj po ta ndajmë me segmente dhe me detaje kjo punë nuk mbaron asnjëherë, se i bie sikur bëjmë program elektoral. Por unë pres këto tre gjëra. Në radhë të parë është përgjegjësi e opozitës të largojë këtë qeveri me votë dhe njëkohësisht kjo nuk është punë të ndërrojmë kariget por të japim shpresë që ndryshimi vërtet do jetë real. Nuk mjafton më shkëmbimi i pushteteve, nuk mjafton më qarkullimi?, tha Shehi për CNA.al.

Kreu i LZHK, njëherësh aleati i Bashës shprehet se opozita sapo të vijë në pushtet do të ndërtoj shtetin shqiptar, duke bërë funksionale Gjykatën e Lartë dhe atë Kushtetuese dhe duke u rikthyer institucioneve pavarësinë që u ka përcaktuar ligji.

Shehi thekson se Rama ka pushtet absolut dhe kjo ka sjellë që qeveria të mos punojë për qytetarët, por për ortakët pranë saj.

?Ne do sjellim ndryshimin. Në rradhë të parë ne do bëjmë shtetin shqiptare. Sot nuk kemi shtet; Parlament nuk kemi, kemi vetëm një grup me Edi Ramën dhe me disa ortakë të vetët atje. Gjykata nuk kemi prej shumë vitesh. Pushteti lokal është i vetëm, pa opozitë Brenda. Këshillat bashkiak dhe komunat drejtohen nga organizata e PS.

Plus që duam të rikthejmë edhe pavarësinë e institucioneve. Ne do krijojmë edhe një frymë tjetër për biznesin, mos punojmë vetëm për 10 veta, port ë punojnë të gjithë shqiptarët nëse është e mundur?, tha Shehi.

I pyetur nëse do të dalin me lista të përbashkëta ose më vete, Shehi tha se PD dhe aleatët do të jenë të bashkuar, duke konfirmuar lajmin e ditëve të fundit se nuk do të jenë në një koalicion me LSI.

?Ne do dalim me një listë me PD. Një pjesë e këtyre aleatëve ndoshta mund të dalin edhe në një listë më vetë dhe të bëhen dy lista, por ideja e përbashkët është se do ketë një listë për të gjithë ku do vendosen anash siglat e partive. Deri tani ka qenë debati nëse do përfshihet edhe LSI në këtë listë, por kjo parti mund të dalë edhe me një listë më vete.

Fjalët dhe sloganet janë konsumuar, por unë u them shqiptarëve të kthejnë kokën mbrapa dhe të shohin në këto 8 vite të zotit Rama jetojnë më mirë apo më keq? Janë më të lirë apo janë më të varur? Janë më të izoluar me Europën apo janë më të integrua? Kaq dhe pasi të mbarojnë analizën që mund ta bëjë edhe më i pashkolluari të dalin dhe të votojnë dhe të vendosin si tu dojë qejfi. Qytetarët nuk kanë nevojë për propagandë, vetëm të bëjnë këtë lloj analize të lehtë me mendjen e vetë?, u shpreh kreu i LZHK Dashamir Shehi për CNA.al.