E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Shtyrja e mbledhjes së Komisionit Rregullator i KQZ/ Zbardhen prapaskenat

23 Dhjetor 2020, 08:59, Politikë CNA

Komisioni Rregullator dje kishte njoftuar shfaqje. Por aktorët dje nuk ishin gati.

Njoftimi që doli në faqen e KQZ ishte: “Mbledhja e Komisionit Rregullator e parashikuar për tu zhvilluar ditën e sotme në orën 17:30, do të zhvillohet ditën e Mërkurë, datë 23.12.2020 në orën 18:00. Kjo shtyrje erdhi si nevojë për konsultime të mëtejshme nga Anëtarët e Komisionit Rregullator, për shkak të opinioneve dhe sugjerimeve të shumta që janë dhënë nga subjekte të ndryshme të interesuara, për projektvendimin ?Për rregullat për raportimin e veprimtarive me karakter publik të institucioneve publike, agjencive dhe/ose ndërmarrjeve shtetërore, kategoritë e veprimtarive të ndaluara, si dhe monitorimin e veprimtarisë, sjelljes dhe përdorimit të burimeve njerëzore, financiare dhe logjistike të administratës shtetërore para zgjedhjeve?.

Për shkak të kushteve të pandemisë mbledhja do të zhvillohet në platfromën ?Zoom? dhe do të transmetohet në kohë reale në faqen zyrtare të KQZ-së http://ëëë.kqz.gov.al, si dhe në platformat ?Facebook? dhe ?YouTube?.”

Siç kuptohet edhe nga njoftimi në faqen zyrtare të KQZ, paska patur diskutime për projekt-aktin. Por këto diskutime nuk janë bërë në mbledhjë publike siç Kodi Zgjedhor detyron.

Vetë KQZ sqaron që anëtarët e Komisionit Rregullator paskan bërë konsultime midis tyre. Dikush duhet t?i sqaroje kryetares se Komisionit Rregullator që mbledhja e Komisionit nuk është takim kafeneje me shoqnin. Nëse zonja kryetare Nano e barazon mbledhjen me takimet e saj për të bërë pak muhabet, me sa duket dikush duhet ti sqarojë zonjës që ky muhabeti midis anëtarëve të një organi drejtues të KQZ-së, është i detyrueshëm të bëhet publikisht.

Kështu publiku do kuptojë se çfarë diskutimesh bëhen në organin drejtues të KQZ-së, që i ra për pjesë të drejtohet nga zonja ish sekretare e përgjithshme e KLGJ, e përzënë prej andej me masë disiplinore për shkelje të rënda.

Mbledhja e komisionit Rregullator të KQZ-së ish parashikuar për tu mbajtur pasditen e djeshme. Në takim pritej të diskutohej projektvendimi, që duhet të detajonte zbatimin e dispozitave të neneve 91 dhe 92 të Kodit Zgjedhor. Rregullat që duhet të detajojë Komisioni Rregullator që drejtohet nga zonja Nano me mentalitetin e të gjendurit në kuzhinën e shtëpisë, duhet të përcaktojë procedurat që duhen ndjekur për autorizimin e veprimtarive publike në 4 muajt që i paraprijnë ditës së zgjedhjeve. Sipas Kodit Zgjedhor Kryeministri, ministrat dhe kryetarët e bashkive duhet të depozitojnë në KQZ kalendarin e veprimtarive publike.

Në një parashikim të Kodit të ri elektoral të dakordësuar në Këshillin Politik, parashikohen ndalime në periudhën 4-mujore përpara zgjedhjeve për sa i takon miratimit të akteve të reja ligjore ose nënligjore, ose ndryshimin e akteve ekzistuese me qellime të shtimit të perfituesve votues, me qëllim parandalimin e përdorimit të burimeve buxhetore per “blerje” indirekte të votës së tyre. Kodi Zgjedhor parashikon ndalimin e promovimit në publik të aktiviteteve të tilla si investimet ne infrastrukturë apo aktiviteteve të rindërtimit, me qëllim që këto promovime të mos përdoren si fushatë elektorale nga forca politike në pushtet.
KQZ normalisht sipas parashikimeve ligjore duhet të nxjerrë projektvendimin përkatës brenda datës 25 dhjetor.
Edhe nga njoftimi i bërë nga KQZ duket se mbledhja është shtyrë pasi nuk është arritur të dilet në një draft të votuar nga gjithë anëtarët . (të përbashkët e quajnë këtë tip drafti në korridoret e KQZ-së).

Kjo do të thotë që mbledhje paska patur. Ajo thjesht nuk është bërë publike në kundërshtim të hapur me dispozitat e Kodit Zgjedhor. Ajo që nuk është zhvilluar, nuk qenkësh mbledhja! Mbledhjet janë bërë si muhabet kafeneje! Shfaqja teatrale më zoom përpara kamerave është shtyrë për në datë 23!/CNA.al