web counter
LEXO PA REKLAMA!

SHKARKO APP

App Store
Google Play

E fundit!

x

“Reforma në Drejtësi prioritet”/ Lëvizja e Re: Shqipëria po vuan nga regjimi i sofistikuar Skuthokratik

22 Dhjetor 2020, 18:43, Politikë CNA

Lëvizja e Re e Arian Galdinit ka përshëndetur firmosjen e marrëveshjes dypalëshe për ekstradimin mes Shqipërisë dhe SHBA.

Zëdhënësja e LRE. Dea Bala, deklaron se është në mbështetje të Reformës në Drejtësi, teksa bën thirrje që drejtësia të mos mbetet më nën sundimin skuthokratik të plackaxhinjve dhe vjedhësve.

Bala thotë se Shqipëria prej vitesh vuan nga një Rregjim i sofistikuar Skuthokratik, si pasojë një marrëveshjeje me konsensus negative prej 3 partive kryesore në vend, pra nga PS ? PD ? LSI, ndaj thekson se ka vendosur të përballet me to.

?Ne si LRE jemi një parti e së djathtës humane dhe në Opozitë të qartë e të vendosur me të majtën dhe qeverisjen e Rilindjes dhe Edi Ramës. Ky është qëndrimi dhe pozicionimi ynë politik me zgjedhjen e vendimin tone të lirë e sovran.

Si parti opozitare, si parti e së djathtës humane, ne si LRE, mbështesim natyralisht partneritetin strategjik dhe jetik të Shqipërisë me SHBA. Kësisoj, ne ritheksojmë mbështetjen tone të sinqertë dhe energjike për Reformën në Drejtësi.

Reforma në Drejtësi është prioriteti i prioriteteve për Shqipërinë dhe një thirrje e të gjithë shoqërisë e kombit tone, për të mos mbetur më nën sundimin skuthokratik të plackaxhinjve dhe hajnisë. Plotësimi i Gjykatës Kushtetuese dhe kthimi i saj në funksionale brenda muajit dhjetor, do të jetë një arritje e shumëpritur për të gjithë shqiptarët.

LRE bën thirrje që ne shqiptarët ti mirëbesojmë Partnerët tanë Ndërkombëtarë SHBA dhe BE në përpjekjen dhe ndërmarrjen e tyre të madhe për ta bërë sa më pare efektive dhe të prekshme Reformën në Drejtësi. Gjithashtu, LRE beson se Shqipëria prej vitesh vuan nga një Rregjim i sofistikuar Skuthokratik.

Instalimi i këtij Rregjimi Skuthokratik ka ardhur si pasojë e një marrëveshjeje me konsensus negative prej 3 partive kryesore në vend, pra nga PS ? PD ? LSI. Rregjimi Skuthokratik PS ? PD ? LSI, prej disa vitesh ka një dakordësi me konsensus negative mes tyre, për të penguar Reformën në Drejtësi, si edhe për të vrarë lirinë, demokracinë, cilësinë e jetës dhe dinjitetin e shqiptarëve.

E vetmja alternative që mbështetet nga Rregjimi Skuthokratik PS ? PD ? LSI, është alternativa e vrasjes së zgjedhjeve të lira dhe të ndershme si edhe hajnia e plackitja e Buxhetit të Shtetit, pronave të shqiptarëve e gjithckaje tjetër.

LRE është alternativa politike e qytetarëve të thjeshtë të ndershëm dhe të papërlyer. Ne jemi partia e qytetarëve të thjeshtë, që kemi vendosur të përballemi me Rregjimin Skuthokratik të Klubit të Plackaxhinjve PS ? PD ? LSI.

Partnerët tanë Strategjikë SHBA dhe BE, nëpëmjet Reformës në Drejtësi duan që në vendin tone të mos ketë më korrupsion e të pandëshkueshëm. Ne si LRE kemi vendosur që të ndërtojmë një sfidë e alternative politike të qytetarëve të thjeshtë, halleplotë e të ndershëm?, thuhet në deklaratë./ CNA.al





Lajmet e fundit nga