web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Klodjan Rashës/ Bledi Çuçi: U hodh mjegull ndaj policisë

22 Dhjetor 2020, 21:53, Politikë CNA

Ministri i ri i Brendshëm i sapoemëruar, Bledi Çuçi, ka folur mbrëmjen e sotme për vrasjen e të riut Klodjan Rasha, nga një efektiv policie, që shkaktoi protesta të dhunshme në vend.

Çuçi tha se nuk ka koment për këtë ngjarje, por pretendon se në këtë rast u hodh mjegull në opinionin e mirë që policia ka bërë në këtë kohë.

?I vetmi koment që kam është që për fat të keq kjo ngjarje është shkëputur dhe hodhi pak mjegull në opinionin e mirë që policia ka bërë në këtë kohë. Nuk e them që jam ulur sot në karrigen e ministrit të Brendshëm, apo se jam pjesë e qeverisë dhe PS, por e thotë vetë barometri që mat Policinë e Shtetit. Më erdhi keq që një ngjarje e shkëputur për një periudhë të shkurtër, se edhe ajo mjegull po ikën po shkëputet të krijojë këtë opinion. Ngjaja në vetvete është hetuar është në përfundim të hetimeve. Policia ka bërë me shpejtësi hetimet që fajtori të dënohet sipas nivelit?, u shpreh ai në emisionin ?Open?.

Më tej, socialisti foli edhe për vizitën në familjen Rasha, teksa tregoi se i ka garantuar familjes se drejtësia për të djalin e tyre do vendoset.

?Shkova takova babanë në cilësinë e ministrit për ta garantuar që hetimet do shkojnë deri në fund dhe autori do marrë dënimin e merituar për veprën që kreu. Mua më dhemb zemra për atë që ndodhi se jam vetë baba dhe e di, unë e garantova se do ketë drejtësi, siç bëri Lleshaj dhe Rama para meje?, theksoi ministri./ CNA.al





Lajmet e fundit nga