E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Shantazhi ndaj gjyqtarit të Strasburgut/ Prokurori i Tiranës në bankën e llogarisë

23 Dhjetor 2020, 10:45, Politikë CNA

Pas rreth dy vitesh hetime, nga Komisioni i Pavaruar i Kualifikimit, prokurori i shkallës së Parë në Tiranë, Ardiano Dyrmishi, do të japë llogari me 24 Dhjetor.
Dyrmishi do të jetë në duar të komisionerëve të Vettingut, Suela Zhegu ,Brunilda Bekteshi dhe Lulzim Hamitaj.

Ardiano Dyrmishi është prokurori që pushoi hetimet për audio-përgjimin Biba-Bianku. Hetimet nisën në vitin 2018, pas publikimit në media të një përgjimi me audio, sipas të cilit Denar Biba, i cili në postin e nënkryetarit të Komisionit Qendror të Zgjedhjeve, akuzohej se kishte shantazhuar në emër të Qeverisë, gjyqtarin shqiptar në Strasburg, Ledi Bianku.

Por, prokurori Ardiano Dyrmishi, kërkoi nga gjykata që të miratojë, kërkesën për pushimin e hetimeve, duke argumentuar, se Ledi Bianku nuk ishte marrë dot në pyetje pasi nuk ndodhej në Shqipëri.

Sipas të njëjtit, prokuror nga hetimet ka rezultuar, se nuk ka asnjë ndikim të paligjshëm nga ana e Bibës tek gjyqtari. Në këto rrethana, Gjykata e Shkallës së Parë në Tiranë, me kërkesë të prokurorisë, ka vendosur pushimin e çështjes penale ndaj Denar Bibës, për ?Ushtrim të ndikimit të paligjshëm ndaj personave që ushtrojnë funksione publike?.

Në përgjim flitej për mundësinë e shtyrjes së vendimeve për çështjen e pronave mes shtetit dhe qytetarëve shqiptarë në vitin 2014, dhe dëgjoheshin fjalët e nënkryetarit të KQZ-së, i cili thotë:

“A të ndalon më ky tren në stacion? Të ngelesh pa punë dhe ç’të vajti sakrifica! Njeriu bën kompromise në jetë.”

Pas kësaj fjalie pretendohet se Denar Biba po i kërkonte në emër të qeverisë, gjyqtarit Bianku të ndikonte tek Gjykata Ndërkombëtare e të Drejtave të Njeriut për të shtyrë vendimet që kishin të bënin me çështjen e pronave për Shqipërinë. Por prokuroria nëpërmjet Ardiano Dyrmishit, i dha fund kësaj historie, duke e transferuar në arkivën e historive mediatike.
Pas interesimit të mediave, lidhur me rastin, në fjalë, Gjykata e Strasburgut i ka bërë me dije se Denar Biba ishte zyrtari i afërt me qeverinë në 2014-n dhe se kërkesa ishte për kthimin dhe kompensimin e pronave.

Gjithashtu Strsburgu, thekson se Bianku kishte informuar se sjellja e Denar Bibës ishte e papërshtatshme. Sipas Gjykatës së Strasburgut për të Drejtat e Njeriut, pasi sjellja e Denar Bibës që përfaqësonte qeverinë shqiptare është konsideruar e papërshtatshme, gjyqtari Bianku ka informuar presidentin e gjykatës Dean Spielmann, më pas edhe pasardhësin e tij Guido Raimondi, sapo u zgjodh. (Lexo këtu).

Por, nëse do t?i shërbejë kjo dosje Dyrmishit, për t?u ?rehabilituar? nga Vettingu, do të duhet të dëgjohet edhe rezultati i hetimeve Vetting në aspektin profesional.
Më herët në vitin 2012, prokurori Ardiano Dyrmishi ka hetuar edhe Emiljano Shullazin me të tjerë, për të cilin pati kërkuar 4 vite burg

Sa i përket kriterit të pasurisë të cilën CNA.al e ka zbardhur më herët, rezulton se të ardhurat i ka nga paga e tij dhe e bashkëshortes.
Kujtojmë se në kohën kur ka nisur Vettingu, gjyqtarët dhe prokurorët kanë vrapuar të shesin pronat apo të gjejnë një lloj mënyrë për ti vendosur në emër të dikujt tjetër.

Në vitin 2016, edhe prokurori Ardiano Dyrmshi ka shitur patundshmëri të llojit arë në fshatin Gercalli, Fier, në shumën 375 000 lekë. Kjo pronë, sipas tij i përkiste bashkëshortes dhe familjarëve të saj./CNA.al

Rrëzoi audiopërgjimin Biba-Bianku/ ?Prokurori i shantazhit?, rehabilitohet në prag Vettingu