web counter
LEXO PA REKLAMA!

SHKARKO APP

E fundit!

x

"Rama i fal Gjicit 37 milionë dollarë, qytetarët në qiell të hapur"/ Tabaku: Në 25 prill do u tregojmë vendin hajdutëve

24 Dhjetor 2020, 11:06, Politikë CNA

Ish deputetja e Partisë Demokratike Jorida Tabaku shprehet se kryeministri Edi Rama nuk mendon për qytetarët, por vetëm për tu pasuruar vetë.

Në një postim në rrjetin social, Tabaku shkruan se kryeministri nuk ka dhënë asnjë lek në kohë pandemie, por i fal 37 milionë dollarë Safet Gjicit.

Ish deputetja thekson se në 25 prill do jetë dita kur qytetarët do i tregojnë vendin hajdutëve.

“Qeveria që nuk ndihmon nevojtarët por i fal 37 mln $ Safet Gjicit. Taksat e shqiptarëve Edi Rama ia fal Safet Gjicit për interesa elektorale të PS ndërsa shqiptarët rrinë në qiell të hapur.

Më kot presin shqiptarët paketë ndihme nga Rama në kohë pandemie, paketë shpëtimi dhe rindërtimi. Rama taksat e tyre i çon në xhepin e Safetit për të blerë nevojtarët dhe për tu pasuruar.

Në 25 prill do ti tregojmë vendin hajdutëve të fatkeqësisë. Atyre që për 7 vjet vodhën buxhetin edhe në kohë fatkeqësie. Së bashku do të hapim një kapitull të ri për vendin! T?i japim fund kohës së Gjicëve dhe abuzimit me taksa në kurriz të shqiptarëve! Rama është arsye e thellimit të krizës përmes keqmanaxhimit dhe vjedhjes në kohë pandemie, një hajdut edhe në kohën e një flame të tillë”, shkruan Tabaku./CNA.al





Lajmet e fundit nga