web counter
LEXO PA REKLAMA!

SHKARKO APP

App Store
Google Play

E fundit!

x

KED deklaroi dorëheqjen e saj/ Habit Zhaklina Peto: Ishte surprizë, vendosën ata për mua

24 Dhjetor 2020, 13:13, Politikë CNA

Këshilli i Emërimeve në Drejtësi paraqiti ditën e djeshme tërheqjen nga gara për anëtare të Gjykatës Kushteuese, të Zhaklina Petos.

Po dje ky këshill i çoi dy emra Presidentit Meta i cili brenda pak orësh emëroi si anëtar të ri të GJK Përparim Kalon. Në një prononcim për Fax Neës, Peto ka thënë se dorëheqja e saj në fakt ishte një surprizë për atë, pasi vetë KED vendosi që ta dorëhiqte.

“Dua të nënvizoj se vendimi i djeshëm ishte surprizë për mua. Unë nuk jam dorëhequr nga kandidimi, por me ketë vendim KED është dorëhequr nga unë, ose e thënë ndryshe më ka dorëhequr. Të them të drejtën dorëheqjen e kam menduar disa herë në këtë rrugëtim drejt Gjykatës Kushtetuese, kjo sepse padrejtësitë nuk mbaronin. Ne bindjen time të brendshme unë kam menduar se çdo individ duhet të ketë frikë të mos zbatojë ligjin, ndërsa një gjyqtar duhet të tmerrohet vetëm nga ideja që mund të mos e zbatojë atë. Në fakt gjatë këtij procesi çdo herë që përballesha me shkelje të ligjit mendoja të dorëhiqesha prej tij. Me vendimin e djeshëm, atë që nuk e bëra dot unë e bënë ata, vendosën të më dorëhiqnin”,- ka thënë Zhaklina Peto./CNA.al





Lajmet e fundit nga