web counter
LEXO PA REKLAMA!

SHKARKO APP

App Store
Google Play

E fundit!

x

“Shtëpia ime në Surrel nuk mund të quhet vilë”/ Rama: Është e bashkëshortes time, çdo gjë e ka bërë me lekët e saj

24 Dhjetor 2020, 22:05, Politikë CNA

Kryeministri Edi Rama ka folur për vilën e tij në Surrel, ku ka deklaruar se gjithçka për banesën ishte meritë e bashkëshortes, Linda, ndërsa e cilësoi veten me fat që ishte burri i saj.

Sipas kryeministrit, shtëpia në të cilën ai jeton me familjen nuk mund të quhet vilë pasi e gjithë hapësira është e shtrirë në një kat, duke theksuar se çdo shpenzim është i bashkëshortes.

“E para vetëm vilë që nuk quhet ajo. E dyta është një, nga thuajse gjysmë milionë shtëpitë që janë ndërtuar në Shqipëri. Në shtëpinë ku jetojmë ne, ngado të kthesh kokën janë vila 3-4 katëshe dhe nuk ka asnjë politikan aty. E treta, unë vetë deri ditën kur jam bërë burri i Linda Ramës dhe kam shumë fat që jam burri i Linda Ramës, unë kam pas idenë që: Pse duhet të kem unë shtëpi?

Unë jetoj me qira. Shtëpitë e mia me qera janë gjithmonë minimaliste.

Linda kishte një tjetër ide: Që shtëpia është një hapësirë ku zhvillohet historia e përditshme e një familjeje dhe ku mblidhen kujtimet dhe janë pasuri edhe e fëmijëve.

Në atë kohë ajo kishte një tokë që në fillim të viteve 2000 kur nuk ishim fare me njëri-tjetrin dhe erdhëm tek ideja për ta bërë atë shtëpi. Është kontributi i saj për ta bërë atë shtëpi.

Është një hapësirë e shtrirë në një kat. Ka një veçanti që muret e jashtme dhe të brendshme i ka një, por do vijë dita që me siguri do jetë pikë referimi nga pikëpamja e arkitekturës”, tha Rama./CNA.al





Lajmet e fundit nga