E fundit!

16:05 Politikë

Rama për protestat: Në bulevard edhe turistë të shtirur, lëpijnë e pickojnë tubuesit e sinqertë

Kryeministri Edi Rama ka reaguar sërish lidhur me protesta...

Ramën do e rrëzojë Edi Rama!

25 Dhjetor 2020, 10:24, Politikë CNA

Në emisionin ?Opinion? të Blendi Fevziut, dje u shfaq kryeministri Rama në një rrëfim ndryshe, në një stil tjetër në atë që ai e zotëron.

Kur është i vetëm në monolog Rama di të përdorë mjaft mirë artin e fjalës, për të cilën shpesh është dhe brilant, gjithashtu të rrëfejë, por edhe të gënjejë, të futet në maskën e politikanit për gjithçka i intereson duke shfrytëzuar audiencën dhe një emsion në një stil tjetër, sërish në përfitime personale dhe të karrierës së tij poltike.

Emisioni i djeshëm ishte një rrëfim deri diku ?i sinqertë? i tij për Sali Berishën të cilin e vlerësonte megjithëse diku nuk njihte meritat për shumë punë të bëra të cilat në fakt kërkon t?i shesë si veprat e tij, kjo për të ardhmen e politikës dhe karrierës që kërkon të mbajë.

Foli për Ilir Metën pa të cilin nuk do të kishte ardhur kurrë në pushtet. Njeriun me të cilin ka pasur marrëdhënie të forta të dyanëshme edhe në përplasje edhe në dashuri. Në fund nuk harroi të ironizonte, të tallte dhe të ulte Lulzim Bashën, atë që është kundërshtari i tij. Me një fjalë të vetme ?e vrau? duke thënë se nuk u bë dot kurrë lider.

Tha shumë të vërteta, tha shumë gënjeshtra, luajti, tregoi anën tjetër të tijën, zbuloi disa mashtrime publike të bëra nga mediat në vite me radhë, që nga historitë e divorcit të tij, akuzat për babain e të tjera si këto që për shumë njerëz në qarqe mediatike, prej shumë kohësh janë zbardhur por nuk harroi t?i përmendë sërish dhe të tregohej i kujdesshëm me gjithçka artikulonte.

Por, ajo që shfaqi dje Rama ishte një teatër në funksion të së ardhmes së tij politike ku duket qartë se ?dramaturgu? që e ka shkruar të gjithë skenarin e ndërtuar thekson se Ramën nga pushteti do ta rrëzojë vetëm Edi Rama. Pra me pak fjalë do të jetë vetë ai që do vrasë karrierën politike.

Nuk e vret dot Ramën, Lulzim Basha! Sali Berisha, pavarësisht se vazhdon të jetë i ashpër në politkë dhe qendrestar, nuk ka fuqinë e dikurshme. Ilir Meta është i krompomentuar dhe i pamundur për tu përballur me Edi Ramën, thjesht dhe vetëm kërkon pazar, e ndërsa Rama që kërkon të ecë përpara po vritet çdo ditë nga Edi Rama, nga problematikat e qeverisjes, korrupsioni, skandalet, tërmeti, pandemia, nga të gjitha një e nga një.

Nga qokat, nderet dhe korrupsioni , të gjitha së bashku janë veprat e Ramës që po vrasin Edi Ramën. Këto dhe shumë të tjera dukeshin qartazi në intervistën e kryeministrit i cili kërkoi të shpallte publikisht fitoren në zgjedhjet e ardhshme të cilën nuk do ta ketë të lehtë megjithëse mund të jetë forcë e parë politike në vend, por ende duhen shumë llogari për të siguruar se Rama do fitojë dhe nuk do të humbasë nga vetë Edi Rama./CNA.al