E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Braktisja e Parlamentit dhe zgjedhjeve vendore dobësuan opozitën”/ Deputeti i PS: Reforma në drejtësi ka avancuar

25 Dhjetor 2020, 16:12, Politikë CNA

Deputeti i Partisë Socialiste Andrea Martou shpreh se qeveria është përballur me një sërë sfidash gjatë vitit 2020, pasi pandemia dhe tërmeti i vitit të kaluar kanë krijuar disa vështirësi.

Por pavarësisht këtyre, deputeti Marto shprehet i bindur se PS do të vijë me ritme më të shpejta në vitin 2021, ku sipas tij të gjithë të dëmtuarit nga tërmeti do të kenë shtëpinë e tyre.

Në një reagim për CNA.al, Marto thekson se reforma në drejtësi ka ecur përpara, pavarësisht vështirësive që ka hasur vendi.

?Viti 2020 ishte një vit i vështirë për mbarë botën, për shkak të pandemisë COVID-19, ndërkohë që për Shqipërinë ka qenë tejet i vështirë, sepse mbërritjen e pandemisë e kishin paraprirë tërmetet shkatërrimtarë të 2019.

Ndërkohë që ishin marrë masat dhe siguruar fondet për rindërtimin, mbërriti pandemia, e cila ngadalësoi ritmet e punimeve. Megjithë vështirë e krijuara puna nuk ndali. Për këtë flasim faktet, objektet e banimit të rikonstruktuara ose të reja.

Edhe në përballimin e pandemisë, Qeveria falë një përkushtimi maximal të strukturave përkatëse, arriti rezultate të lavdërueshme.

Edhe gjatë vitit 2021 do vijojë me ritme më të shpejta procesi i rindërtimit, duke siguruar banesa edhe me të mira se ato që shkatërruan tërmetet, për të gjithë të dëmtuarit.

Megjithë vështirësitë e krijuara, ka vijuar me përkushtim edhe realizimi i reformave të rëndësishme, të cilat duhet të ishin kryer vite më parë. Shembulli më domethënës është reforma e sistemit të drejtësisë, por edhe në sektorë të tjerë?, tha Marto për CNA.al.

Deputeti socialist thekson më tej se një mandat i tretë për qeverinë aktuale do të lehtësojë gjendjen e opozitës jashtëparlamentare, e cila sipas tij nuk ka arritur të ketë alternativa bindëse.

Bojkoti i Parlamentit dhe zgjedhjeve vendore nga PD-LSI për Andrea Marton kanë ndikuar negativisht në besueshmërinë e opozitës

?Fitoren e PS në zgjedhjet e 2021 do t’a lehtësojë edhe gjendja e opozitës jashtë parlamentare, e cila ende nuk ka arritur të kthehet në alternativë qeverisëse.

Largimi nga parlamenti, mospjesëmarrja në zgjedhjet vendore dhe qëndrimet e vazhdueshme destruktive, kanë përkeqësuar ndjeshëm situatën dhe besueshmërinë ndaj kësaj opozite?, tha deputeti i PS Andrea Marto për CNA.al.