web counter
LEXO PA REKLAMA!

SHKARKO APP

App Store
Google Play

E fundit!

x

Shqipëri-SHBA firmosin sot marrëveshje të re ekstradimi/ Përfshin krime korrupsioni, financiare, mjedisore e kompjuterike

22 Dhjetor 2020, 09:21, Aktualitet CNA

Shqipëria dhe Shtetet e Bashkuara të Amerikës kanë firmosur një marëveshje të re ekstradimi, pas 87 vitesh. Kjo marrëveshje e cila do të firmoset ditën e sotme nga ministrja e Drejtësisë Etilda Gjonaj dhe ambasadorja Yuri Kim do të zëvendësojë traktatin e vitit 1933.

Me marrëveshjen e re do të realizohet zgjerimi dhe përditësimi i kategorive të veprave penale për të cilat mund të kërkohet ekstradimi nga palët, mbi bazën e parimit të kriminalitetit të dyfishtë, duke përfshirë tashmë edhe veprat penale më të reja si ato me karakter financiar, tatimor dhe doganor, korrupsionin, veprat mjedisore, veprat në fushën informatike e çdo vepër që dënohet me heqje të lirisë për një periudhë maksimale prej më shumë se një  viti  ose për një dënim më të rëndë.

Marrëveshja shërben si një sinjal i qartë dhe i vendosur ndaj të gjithë shkelësve të ligjit, se askush nuk do të gjejë asnjë strehë për t?iu shmangur zbatimit të ligjit penal në SHBA apo në Shqipëri. Ekstradimi është për vepra penale me mbi 1 vit burg dënim.

Kujtojmë se marrëveshja e vitit 1933 nënshkruar nga Faik Konica, Ministri i Shqipërisë në Uashington dhe Cordell HUll, Sekretari i SHBA në atë kohë. Traktati ka pasur qëllim shkëmbimin e ratifikimeve të Traktatit të Ekstradimit midis Shqipërisë dhe Shteteve të Bashkuara të Amerikës, të nënshkruar në Tiranë në 1 Mars 1933./CNA.al





Lajmet e fundit nga