web counter
LEXO PA REKLAMA!

SHKARKO APP

App Store
Google Play

E fundit!

x

Aleanca për Mbrojtjen e Teatrit sërish në protestë/ Budina: Policia i futi shkelm turinjve Donald Martinit

21 Dhjetor 2020, 19:31, Aktualitet CNA

Aleanca për Mbrojtjen e Teatrit Kombëtar ka dalë sërish mbrëmjen e sotme në protestë pranë Ministrisë së Brendshme, për shoqërimin e 4 aktivistëve disa ditë më parë.

Regjisori Edmond Budina e cilësoi vendin ku ndodhej Teatri si skenë krimi, ndërsa theksoi se Teatri Kombëtar do të bëhet atu ku ishte dhe ashtu siç ishte.

Ai ngriti sërish akuzat se policia ka dhunuar artistin dhe pedagogun Donald Martini.

?Kjo banderolë është e përnatshme. Që kur u shemb Teatri kjo banderolë ka qenë. Kjo skenë krimi është e vazhdueshme, evidente, është shkatërruar një vepër me gjithë njerëzit brenda e gjithçka u shembën. Krim i madh kundër demokracisë së vendit. Kjo skenë krimi do vijojë. Teatri do të bëhet atu ku ishte, ashtu siç ishte.

Është përdorur dhunë. Shenjat në fytyrën e Donald Martinit janë të dukshme, në krahët e Seranajt, nuk është pretendim, por fakt dhuna e Policisë ndaj njerëzve qytetarë.

Në momentin që Martini u thotë që është shqiptar e britanik i futën shkelmin turinjve. Donin të hynin në pedonale dhe do bënin live-n e përnatshme. Dhunë konkrete reale e shtetit. Kjo dhunë që u përdor ndaj aktivistëve tanë, nuk ndodhi rastësisht, është dhunë verbale që ka vijuar nga qeveria. E kemi parë në shumë raste. Ajo që ka ndodhur këtu është e paimagjinueshme?, tha Budina.





Lajmet e fundit nga