E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

“Na kanë goditur me shkelma në fytyrë”/ Regjisori Budina flet për dhunën në Polici

21 Dhjetor 2020, 10:37, Aktualitet CNA

Regjisori Robert Budina ka treguar ditën e sotme dhunën e ushtruar nga Policia e Shtetit ndaj 4 aktivistëve të Aleancës për Mbrojtjen e Teatrit.

Sipas Budinës, gjithçka nisi kur u ndalua një prej aktivistëve, duke theksuar se në komisariat janë goditur me shkelma në fytyrë.

Regjisori shton se policia është politike dhe nuk ndërhyn ndaj keqbërësve por ndaj protestuesve.

?Aktivistët e teatrit ndërhynë për të filmuar ngjarjen dhe policia nuk i rezistoi dot këtij veprimi fare demokratik. Ndërhynë ndaj atyre që filmonin, i shoqëruan në komisariat, i morën celularin, që merret vetëm në komisariat. Aty pastaj kanë goditur me shkelm në fytyrë njërin prej nesh.

Kjo është një polici politike që nuk ndërhyn ndaj keqbërësve, por ndaj protestave. Nuk zbaton ligjin dhe nuk e njeh ligjin. Ne do t?i ndjekim penalisht këta njerëz, për të vërtetuar që njerëzit nuk duhet të bëhen vegla të një urdhri që nuk ka bazë ligjore. Ne ishim në rutinën tonë të përditshme, po shkonim aty ku bëjmë ?live?-n përditë?, theksoi Budina.

Regjisori shtoi se ka një mllef të madh ndaj qeverisë dhe policisë ndaj Aleancës.

?Ne do ta rikthejmë teatrin, kemi sinjale të qarta që edhe vetë ata, eksponentë të mazhorancës, duan ta rikthejnë teatrin, por duan ta bëjnë të duket sikur po e kthejnë ata. Po përpiqen që të tregohen qeveri që mirëkupton. Do të kthehet ashtu siç ishte, aty ku ishte, por do ta kthejnë qytetarët që janë me të drejtën?, u shpreh Budina për “A2”./CNA.al