web counter
LEXO PA REKLAMA!

SHKARKO APP

App Store
Google Play

Apeli për ndihmë/ Futbollisti legjendar i Skënderbeut kërkon mbështetjen e sportdashësve

21 Dhjetor 2020, 19:06, Sport CNA

Milutin Kërçiçi, futbollisti legjendar i Skënderbeut, ka nevojë për ndihmë dhe kërkon mbështetjet e spordashësve!

Mili siç e njohin të gjithë është duke luftuar me një sëmundje të rëndë dhe nevojitet me dosmosdoshmëri një ndërhyrje kirurgjikale. Kjo ndërhyrje kërkon një shumë të konsiderueshme të ardhurash për t’u realizuar. Në pamundesi për të perballuar këtë shumë, legjenda e viteve ’70-të që bëri për vete në atë kohë me lojën brilante të tij shumë tifozë korçarë dhe jo vetëm, ka nevojë më shumë se kurrë për ndihmën tonë, për ta fituar këtë betejë me jetën.

Shumë prej sportdashësve që jetuan ato vite, e mbajnë mend mjaft mirë talentin e Kërçiçit që ishte një nga më të dalluarit e atij brezi të artë futbollistësh. Me lojën e tij krenohej e gjithë Korça. Falë talentit të tij ai arrit të shndërrohej në një legjendë të vërtetë. Sa shumë e shumë tifozë bëri për vete Mili, teksa tashmë ka ardhur momenti që ata dhe jo vetëm t’i gjendet pranë për ta ndihmuar në momentin më kritik të tij.

Në sezonin 2010-2011, Kërçiçi ka qenë edhe pjesë e stafit teknik të Skënderbeut, si dhe ndihmësi i parë i ish-trajnerit Shpëtim Duro. Edhe me ardhjen e teknikut çek Stanislav Levi, Milutini vazhdoi punën pranë skuadrës si ndihmës trajner, por edhe si përkthyes për lojtarët sllavë që luajnë te kjo skuadër, duke patur një meritë të madhe në ndërtimin e Skënderbeut të lavdishëm që bëri krenar gjithë shqiptarët anë e mbanë botës. Fushatën për të ndihmuar legjenden e ka krijuar Alfred Trasha, korcari sportdashes që jeton në SHBA.

PËR TË DHËNË KONTRIBUTIN TUAJ MONETAR SADO QOFTË AI, KLIKONI TE LINKU I MËPOSHTËM:

NDIHMO LEGJENDËN KORÇARE MILUTIN KËRÇIÇI





Lajmet e fundit nga