web counter
LEXO PA REKLAMA!

SHKARKO APP

App Store
Google Play

E fundit!

x

Plas te Partizani, Melo: Nuk luaj më prej trajnerit

21 Dhjetor 2020, 08:01, Sport CNA

Është një situatë aspak e mirë për Uilliam Kordeiro Melon te Partizani dhe kjo gjë, po duket qartë ditë pas dite. Mesfushori brazilian, pa diskutim një ndër më të mirët në Superiore, nuk është preferuar aspak si titullar nga trajneri Daja.

Madje, në takimin kundër Bylisit, i mbyllur 0-0, nuk u preferua për asnjë minutë. Pas ndeshjes, Daja tregoi pse nuk e aktivizoi Melon, duke thënë se gjithmonë kur braziliani është futur në lojë, ekuilibrat e skuadrës janë prishur dhe jo vetëm që nuk e ka përforcuar skuadrën, por e ka dobësuar.

Menjëherë pas kësaj deklarate të trajnerit, Melo shfrytëzoi rrjetet e tij sociale për të treguar pakënaqësinë e tij nga këto kritika që iu bënë publikisht nga kreu i Partizanit. ?Panorama Sport? kontaktoi dhe vetë me futbollistin brazilian, i cili theksoi se nëse ai është problemi i Partizanit, është gati të largohet nga klubi sa më parë.

Uilliam, kemi parë së fundmi postimet e juaja në rrjetet sociale, ku duket qartë pakënaqësia juaj. Pse nuk po luani te Partizani dhe çfarë mendoni për deklaratën e trajnerit?

Unë nuk luaj sepse nuk më aktivizon trajneri. Stërvitem shumë çdo ditë. Kritikat? Është opinioni i tij. Nëse unë jam problemi te Partizani, atëherë do të largohem.

Keni folur me trajnerin për situatën e krijuar? Ka ndonjë problem mes ju të dyve?

Unë nuk kam asnjë problem me asnjë person. Për mua, situata ime zgjidhet shumë thjeshtë. Nëse jam problem, më lini të largohem.

Nëse e njëjta situatë vazhdon dhe gjërat nuk ndryshojnë, do të flisni me drejtuesit e klubit apo do të largoheni menjëherë nga ekipi?

E vetmja gjë që po mendoj për momentin është zgjidhja e situatës sime. Dua të tregoj vlerat e mia. Do të shohim se çfarë do të ndodhë në të ardhmen.





Lajmet e fundit nga