web counter
LEXO PA REKLAMA!

SHKARKO APP

App Store
Google Play

Mara: Ja kujt ja dedikoj golin ndaj Tiranës

21 Dhjetor 2020, 12:23, Sport CNA

Uerdi Mara vijon të jetë protagonist te Skënderbeu me një tjetër gol, por që për fatin e tij të keq edhe kësaj here, ashtu si ndaj Laçit nuk ka mundur dot t?i sjellë fitoren ekipit të tij.

Mara si duket po merr në dorë rolin e liderit te skuadra korçare, teksa edhe dje ndaj Tiranës goli i Skënderbeut mban firmën e tij. Pas një inkursioni të gjatë të Mensah, ky i fundit pason për Marën, i cili me portën e boshatisur nuk e ka pasur aspak të vështirë ta çojë në rrjetë.

Ky ishte goli i dytë i Marës në këtë sezon me fanellën bardhekuqe. Pas ndeshjes mesfushori bardhekuq u shpreh i lumtur për golin e shënuar, por njëkohësisht shprehu edhe keqardhjen për mosarritjen e fitores. Gjithashtu, maliqari tha se ky gol ishte një dedikim special për një njeri të veçantë, dajën e tij.

?Jemi duke zhvilluar ndeshje mjaft të mira, por nuk arrijmë dot t?i çojmë deri në fund dhe kjo na trishton. Jemi ekip i ri dhe besoj se me kalimin e javëve do vijmë gjithmonë e në rritje në lojën tonë.

Goli? Jam shumë i lumtur që shënova sërish. Këto gola janë duke më dhënë më shumë besim dhe më shumë forcë për të qenë më i motivuar dhe për të dhënë më të mirën në çdo ndeshje që zbres në fushë.

Më vjen keq që goli im nuk e ndihmoi ekipin të merrte fitoren ndaj Tiranës pasi mendoj se e kemi merituar, për lojën e zhvilluar. Dua që këtë gol t?ia dedikoj një personi të veçantë në jetën time, dajës tim?, deklaroi Mara për ?Panorama Sport?.





Lajmet e fundit nga