web counter
LEXO PA REKLAMA!

SHKARKO APP

App Store
Google Play

E fundit!

x

Shkërmoqet LSI/ Besnikët e Metës kalojnë tek Rama

19 Dhjetor 2020, 09:06, Politikë CNA

Lëvizja Socialiste për Integrim ka filluar të shkërmoqet, pasi drejtuesit e saj po largohen me radhë.

I pari është Lefter Koka i cili  pas një kohe të gjatë largimi,  ka vendosur që të rikthehet sërish në gjirin e PS-së. Gjatë kohës që ishte në LSI, Koka u emërua ministër Mjedisi duke përfituar nga koalicioni qeverisës PS-LSI, ndërsa një vit më parë doli kundër Monika Kryemadhit dhe Lulzim Bashës, duke mos pranuar të djegë mandatin e deputetit.

Ndërkohë dje CNA.al raportoi se edhe ish deputeti i LSI, Nasip Naco një nga njerëzit më besnik të Ilir Metës, i cili ka mbajtur edhe postin e ministrit të Drejtësisë ka braktisur LSI duke mos kandiduar më me këtë forcë politike në zgjedhjet e ardhshme.

CNA.al kontaktoi me Nasip Naçon, i cili tha se që pas mbarimit të mandatit si deputet ka hapur një zyrë avokatie ku po ushtron këtë funksion. Ndonëse nuk e konfirmoi këtë gjë, ai la të nënkuptohej se nuk do të jetë pjesë e LSI në zgjedhjet e 25 prillit dhe tashmë është pozicionuar në fushatë hapur në mbështetje të Partisë Socialiste.

Ndërkohë që dy drejtues të LSI në degën e Tiranës, Elez Gjoza i njësisë numër 2 dhe Genta Arapi i njësisë 11, raportohet se janë larguar.

Këto janë vetëm katër emra, ndërkohë që mësohet se janë edhe dhjetëra të tjerë në Tiranë dhe qarqe të tjera të vendit që kanë braktisur Monika Kryemadhin dhe LSI në shtabet e fushatës elektorale. Mona pretendon që të fitojë në zgjedhjet e 25 prillit, por duket se do të ngelet rrugëve e braktisur!/CNA.al

Nasip Naço braktis LSI dhe fillon fushatën për Edi Ramën

Lefter Koka i kthehet dashurisë së vjetër/ Ikën nga LSI për PS, mbështetja në Durrës dhe lëvizjet e tij





Lajmet e fundit nga