web counter
LEXO PA REKLAMA!

SHKARKO APP

App Store
Google Play

E fundit!

x

"Basha ka marrë vendime të forta"/ Gjekmarkaj: Nëse zgjedhjet do jenë të lira, do bëhet kryeministër

18 Dhjetor 2020, 22:08, Politikë CNA

Analisti Agron Gjekmarkaj pretendon se Lulzim Basha i ka votat për të ardhur në pushtet.

Gjekmarkaj tha në emisionin ?Zonë e Lirë se nëse do bëhen zgjedhje të lira e të ndershme Lulzim Basha do bëhet kryeministër.

?Arsyeja që njerëzit protestojnë është se kanë ushtruar liri. Mendoj se opozita i ka numrat sot për të ardhur në pushtet. Pas 8 vitesh me këto rezultate që ka, unë besoj që në vend do ketë rrotacion. Mendoj se nëse do bëhen zgjedhje të lira e të ndershme Lulzim Basha do bëhet kryeministër. Kjo opozitë duhet të bëjë strategji për të garantuar dhe ruajtur votën dhe bashkë me disa ndryshime që është ende në kohë t?i bëj, megjithatë unë besoj tek hapja strukturore?, u shpreh ai.

I pyetur për shkrimin e bërë në 2017-ën, ku kërkonte rikthimin e Sali Berishës në krye të PD-së, analisti la të kuptohej se ka ndryshuar mendim.

?Nuk pendohem për ato që shkruaj, koha pas katër viteve i ndryshon nga pak të gjithë. Kur e shkrova atë shkrim, kisha parasysh krizën e madhe që po kalonte PD. Nuk kam thënë që Berisha të rikthehet për të marrë PD si kryetar, por për të marrë një rol për të menaxhuar krizën. Atëherë mendoja se Berisha mund t?i grumbullonte dhe t?i kthente.

Në këto 4 vite Basha është një person që ka marrë vendime të forta si askush tjetër, qoftë djegia e mandateve apo mospjesëmarrja në zgjedhjet lokale. Basha ka treguar që ka fuqi, sot mendoj që nuk është më doktori vendimmarrës në PD, shoh fytyrën e Bashës. Doktori ka ndikimin moral në atë parti?, deklaroi Gjekmarkaj./ CNA.al





Lajmet e fundit nga