web counter
LEXO PA REKLAMA!

SHKARKO APP

App Store
Google Play

Nasip Naço braktis LSI dhe fillon fushatën për Edi Ramën

18 Dhjetor 2020, 11:01, Politikë CNA

Na ndajnë vetëm 4 muaj nga mbajtja e zgjedhjeve parlamentare të 2021 dhe pazaret në prapaskenë sapo kanë nisur.

CNA.al ka mësuar se nga burime jo zyrtare se ish deputeti i LSI, një nga njerëzit më besnik të Ilir Metës, i cili ka mbajtur edhe postin e ministrit të Drejtësisë Nasip Naço ka braktisur LSI duke mos kandiduar më me këtë forcë politike në zgjedhjet e ardhshme.

Naço ka qenë edhe drejtues i qarkut të Beratit me LSI dhe me largimin nga kjo parti, burimet bëjnë me dije se në vend të tij ka shkuar Ardit Çelën.

CNA.al kontaktoi me Nasip Naçon, i cili tha se që pas mbarimit të mandatit si deputet ka hapur një zyrë avokatie ku po ushtron këtë funksion. Ndonëse nuk e konfirmoi këtë gjë, ai la të nënkuptohej se nuk do të jetë pjesë e LSI në zgjedhjet e 25 prillit dhe tashmë është pozicionuar në fushatë hapur në mbështetje të Partisë Socialiste.

?Unë kam një studio ligjore dhe që pas mbarimit të mandatit ushtroj këtë funksion. Faleminderit dhe për respekt po përgjigjem. Unë jam avokat tani?, tha Naço për CNA.al.

Largimi i Nasip Naços është një goditje tjetër për Monika Kryemadhin, e cila mesa duket ka filluar të ketë probleme thelbësore dhe përplasje të forta me ish mbështetësit e Metës. Kuajt e rëndë të politikës së Ilir Metës po largohen për tu zëvendësuar mëzat e lodhur të  Monika Kryemadhit./CNA.al





Lajmet e fundit nga