Veliaj sulmon ish prokurorin, Petrit Fusha

18 Dhjetor 2020, 11:39, Politikë CNA

Kryetari i Bashkisë së Tiranës, Erion Veliaj u tregua i prerë sot, kur deklaroi se subjektet e OFL-së dhe të shkarkuarit e Vettingut nuk duhet t?i afrohen fushatës zgjedhore.

Teksa dha çelësat e shtëpisë së re të rindërtuar për familjen e Besnik Fushës në Farkë, Veliaj theksoi se partitë e pashpresa që do të tentojnë të përdorin dhunën dhe subjektet e OFL-së në zgjedhje, nuk kanë asnjë shans të fitojnë. Mesa duket Veliaj ka sulmuar ish prokurorin Petrit Fusha, i njohur në opinionin publik si mbrojtësi i kryebashkiakut pasi dyshohet se mbylli dosjen e Ardit Gjoklajt.

Ky sulm nga ana e Veliajt duket se ka ardhur për faktin se djali i Petrit Fushës, Aldi Fusha tashmë është pjesë e LSI dhe është caktuar si kandidat në Farkë.

Pozicionimi i djalit të Petrit Fushës ka sjellë një thyerje të madhe dhe duke nxjerrë në pah përplasjen mes tyre.

?Kur vijnë zgjedhjet, disa parti që s?kanë as program, as din e iman, që s?kanë bërë ndonjë punë konkrete, do përdorin dhunën, subjektet e OFL-së dhe gjithë kontigjentin që nuk kaloi Vettingun, do na i sjellin edhe si kandidatë. Unë them se Farka është e qartë: Ne s?kemi punë me figura të OFL-së apo me njerëz që s?kanë kaluar Vettingun, e që duan të riciklohen me politikën e partive të pashpresa”, u shpreh Veliaj.

Kujtojmë se Petrit Fusha është ish prokurori i Tiranës i cili iu shmang vettingut duke u dorëheqeur.
Në muajin Shkurt të vitit 2019, Fusha dha dorëheqjen nga sistemi i drejtësisë.
Në deklaratën e servirur për mediat, Fusha shkruante, se Prokuroria nuk ishte më vendi, ku mund të shërbente, pas 32 viteve eksperiencë.

CNA.al raportoi se e vërteta rezultonte krejt ndryshe pasi në momentin që ai ka kuptuar se do vihej nën hetime, për shkak të pasurisë dhe jo vetëm, ka nxituar të japë dorëheqjen. Gjithashtu CNA.al raportoi se ndaj Fushës, rëndonin akuzat për fshehje të pasurisë, deklarim të rremë, falsifikimin dokumentash dhe pastrim parash.

CNA.al, ka paralajmëruar më herët se nëse do të hetohej pasuria e tij, atëherë Petrit Fusha do të përfundonte në burg. Ndryshe Petrit Fusha është, i njohur në opinionin publik edhe si mbrojtësi i kryebashkiakut Erion Veliaj. Fusha dyshohet se ka mbyllur dosjen e Ardit Gjoklajt, i cili u vra në landfillin e Sharrës.

Kujtojmë se disa vite më parë, Erion Veliaj dhe Petrit Fusha u fotografuan duke drekuar së bashku në një nga restorantet e Tiranës, në kohën kur prokurori Fusha ishte në krye të Prokurorisë Tiranës dhe mbylli dosjen e kryebashkiakut për Ardit Gjoklajn.

Lidhjet mes Veliajt dhe Petrit Fushës nuk fillojnë dhe mbarojnë me vrasjen e Ardit Gjoklajt.

Më herët Partia Demokratike ka folur për lidhje të forta të dyshes Fusha-Veliaj, Lidhjet e kompanisë ?Fusha? me Veliajn, sipas PD ?së, janë shtrirë dhe forcuar nga ish-drejtuesi i Prokurorisë së Tiranës, Petrit Fusha. Përballë këtyre akuzave si Fusha ashtu dhe Veliaj kanë heshtur.

Ndërkohë, siç duket sot miqësia mes tyre ka pësuar krisje pas pozicionimit të të djalit të ish prokurorit në radhët e LSI./CNA.al

Petrit Fusha pastroi paratë e drogës?/ Zbardhen akuzat

Prokurori Petrit Fusha/ ?Peshku i madh? 1 milionë dollarë, i Vettingut