E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rama flet për protestat që e kanë “sprapsur” qeverinë/ Polici nuk e shoqëron dot prej krahu qytetarin, sikur kanë dalë për kafe

18 Dhjetor 2020, 15:39, Politikë CNA

Kreu i qeverisë Edi Rama, gjatë prezantimit të ministrit të Brendshëm Bledi Çuçi, ka përmendur të gjitha rastet kur qeveria e tij ka reflektuar pas protestave qytetare.

Rama deklaroi se Policia e Shtetit nuk e ka tejkaluar kurrë përdorimin e forcës, dhe se askujt nuk i është mohuar e drejta e protestës. Rama përmendi rastin e protestës në Kukës, ku tha se qeveria u tërhoq pas revoltës së drejtë që pati komuniteti atje.

?Qeveria u akuzua për dhunë, për autoritarizëm, ndërkohë që ka kohë për të dëgjuar e për të diskutuar. Ndërsa po, ka ndodhur ndryshe në vendet demokratike në aspektin që si në asnjë vend tjetër demokratik, partitë politike kanë uhstruar dhunë, jo një herë, me cikle apo ka ndodhur si në vendet demokratike që është bërë e drejtë e ligjëruar që polici mund të preket me dorë. Që uniforma e policit mund të trajtohet si leckë për ta kapur, tërhequr për ta shtyrë pa llogaritur fjalët se fjalët nuk i llogarisim në këtë mes, në rastet e pròtestave me shumë njerëz.

Jo në rastet e përballjeve individuale polic-qytetar. Nuk bëhet fjalë në një vend demokratik që qytetari të shajë policin. Megjithatë janë të gjithë dëshmitarë që në këto 7 vite e pak , policia nuk e ka tejkaluar kurrë të drejtën e ushtrimit të forcës dhe mbase ky është i vetmi vend demokratik ku numërohen më shumë policë të lënduar se sa protestues.

Atëherë, pse qeveria dhe policia e shtetit akuzohen pa pushim për dhunime që as nuk i kanë bërë, as nuk kanë dhënë shenja se duan ti bëjnë? Pse abuzohet me episode të shkëputura për të bërë montazhe të cilat pastaj shpërndahen përmes makinerisë më të madhe të propagandës që ka shpikur njerëzimi, rrjeteve sociale. E thashë dhe e përsëris, askush nuk dëshiron, Policia e Shtetit nuk dëshiron, punonjësi nuk dëshiron që të kapi një qytetar që ta spostojë nga një vend në një tjetër dhe nuk mund të jetë spostim si dy njerëz që duan të dalin të pijnë kafe”, tha Rama. /CNA.al