web counter
LEXO PA REKLAMA!

SHKARKO APP

App Store
Google Play

Luhet sot java e fundit e fazës së parë në Superiore, ja ndeshjet

19 Dhjetor 2020, 08:25, Sport CNA

Me 90 minutat e së shtunës mbyllet një e katërta e Superiores. Në ?yxhymin? e sotëm me sa është kuptuar të gjithë e ekipet luajnë për një qëllim. Vetëm pikët.

Shumë nga skuadrat ankohen që nuk kanë renditjen dhe pikët e duhura dhe para se të nisë faza e dytë, duhet të ngrohin xhepin me ca pikë më shumë. Për tri pikë luftohet në Laçi-Vllaznia. Shpëtim Duro kërkon fitoren dhe thotë se pikët i mungojnë skuadrës kurbinase. Shkodranët me ?shpejtësi skëterre?, duan të shkojnë në 22 pikë dhe nuk mendojnë për asgjë tjetër.

Partizani ka që prej derbit që nuk fiton dhe shqetësimi i Dajës janë ato të shkreta pikë. Shansin e ka ndaj Bylisit që është ?macja e zezë? e të kuqve. Nga ana tjetër, ballshiotët duan vazhdimësinë dhe fitoren. Kukësin është një tjetër skuadër që do maksimumin nga java e nëntë. Luajnë me Kastriotin, tashmë të ?zhvirgjëruar? si skuadra e pamposhtur. Në fund, Tirana dhe Teuta. Bardheblutë kërkojnë vazhdimësinë pas dy fitore, me Laçin dhe Apoloninë duhet të vijë edhe trepikëshi me Skënderbeun.

Nëse lënë pikë në Korçë do të jetë dështim. Në fund, Teuta. Duhet të fitojë, sepse ka humbur rrugën. Fati i Martinit ndoshta varet nga kjo ndeshje, ku objektivi i heshtur është shtimi i pikëve. Ngado që të shkosh, Dede, Brdariç, Gega, Daja, Duro apo Martini nuk duan të mendojnë më për lojën e bukur. Për ta pikët janë kënaqësia dhe qëllimi për të arritur objektivin. Të tjerat janë vetëm fjalë?





Lajmet e fundit nga