web counter
LEXO PA REKLAMA!

SHKARKO APP

App Store
Google Play

Tronditet Partizani, Jasir Asani jep sinjale largimi

18 Dhjetor 2020, 12:07, Sport CNA

E vështirë për ta besuar se Jasir Asani mund të largohet nga skuadra e Partizanit, pasi në një interviste të tij pak kohë më parë, deklaroi se ?demat e kuq? janë ekipi më i mirë në Shqipëri dhe nuk e mendon kurrsesi largimin, vetëm në rast se i ofrohet një kontratë jashtë Shqipërie.

Gjithsesi, disa postime të tij të fundit në rrjetet sociale, kanë ngritur disa hije dyshimi sa i takon së ardhmes së 25-vjeçarit. Te Partizani, Asani ka disa ndeshje që nuk luan titullar, edhe pse është rikuperuar dhe ka qëndruar në stol.

Madje as në sfidën e fundit kundër Vllaznisë nuk u preferua nga minuta e parë nga Daja, me trajnerin 54-vjeçar që i besoi Tedi Carës rolin e mesfushorit të djathtë. Asani ka shënuar vetëm një gol deri më tani në Superiore, dhe atë me penallti që në javën e parë kundër Kastriotit. Ndoshta, nuk e kishte menduar një nisje kaq të ngadaltë dhe duket se ujërat janë trazuar disi në kampin e kuq. Asani ka publikuar ditën e djeshme një foto me agjentin e tij dhe dy zotërinj të tjerë, ku dukeshin në ambientet e një lokali.

Pak orë më vonë, Asani publikoi dhe një foto me fanellën e ish-ekipit të tij, Vardarit. Me fanellën e Vardar, Asani ka luajtur 70 ndeshje në kampionat dhe Kupë, duke shënuar 19 gola. Anësori luajti për tri sezone e gjysmë te Vardar, para se të transferohet te Shkupi.

Kujtojmë se Asani janarin e shkuar u transferua në formë huazimi në Suedi te skuadra e AIK, por për shkak të pandemisë dhe shumë ndryshimeve në stabilitetet financiare të klubeve, nuk u arrit një marrëveshje për pronësinë e kartonit të Asanit.

Kjo bëri që 25-vjeçari të rikthehej te ?demat? gjatë verës, por gjeti një trajner të ri, Ilir Dajën. Edhe pse e nisi titullar kundër Ilirisë në Kupën e Shqipërisë, Kastriotit dhe Kukësit, më pas pësoi një tërheqje muskulore dhe në më shumë se një muaj, nuk e ka provuar ende një fanellë titullari.





Lajmet e fundit nga