Shpërthen trajneri i Vllaznisë: Nuk kemi para të paguajmë gjoba

18 Dhjetor 2020, 12:12, Sport CNA

Trajneri i Vllaznisë, Tomas Brdariç, mendon se skuadra e tij do të vazhdojë të tregoje veten edhe ndaj Laçit në ndeshjen e kësaj jave, edhe pse e di qse kurbinasit kanë një ekip të vështirë. Në konferencën për shtyp para sfidës, tekniku theksoi se dinte çdo pikë të fortë e të dobët të kundërshtarëve dhe se kishte besim se ekipi do të vazhdonte rrugën që kishte nisur.

?Që pardje dhe dje jemi përqendruar i gjithë ekipi te ndeshja kundër Laçit duke e ditur se është ekip më i mirë se të tjerë që kemi përballur deri tani. Jemi të fokusuar plotësisht aty pasi është shumë e rëndësishme si ndeshje. Kanë mungesa? Jemi të përgatitur për cdo sfidë, dimë gjithçka, marrim çdo informacion dhe dimë edhe pikat e dobëta që kanë skuadrat.

Dihet që kanë ekip të fortë, por ka diçka që fusha e tyre është pak e vogël. Do ta nisim ndeshjen si normalisht, por do të ndryshojmë në bazë të ndeshjes. Edhe ne do të tregojmë ashpërsinë tonë, por gjithçka varet nga strategjia që do të ndjekim gjatë sfidës. Ne kemi një favor që në ashpërsinë e tyre, atyre u mungojnë tifozët. Në do t?i përshtatemi situatës dhe ekipet e tjera e shohin dhe kanë respekt për lojën që bëjmë, por ne luajmë gjithmonë për të fituar.

Laçi ka ndryshuar trajnerin dhe do të luajë ndryshe nga ndeshjet e tjera. Kanë trajner shumë të mire që e respektoj, por besoj se do t?ia dalim. Ajo që kemi nuk është vetëm përqendrimi te pikët e rezultati, por kemi grup të mirë e simpatik. Nuk është vetëm për trepikëshit e momentit por edhe jetëgjatësinë e lojës. Janë edhe probleme ekonomike etj, por do të shohim gjithçka në vazhdimësi.

Sigurisht që ishte një javë e mirë por stërvitja është tjetër, ndeshja është tjetër dhe atmosfera është tjetër. Pavarësisht rezultatit ne e kemi këtë bashkëpunim dhe atmosfera ka qenë e mirë. Dënimi nga FSHF? Ne duhet të kujdesemi herën tjetër më shumë se klubi nuk ka aq shumë para sa të paguajë edhe gjoba, por ndodhi. Nëse do të ishin hapur dyert, do të kishin qenë 10 mijë vetë në stadium. Por duhet të kujdesemi që të mos ndodhë më.

Duhet t?i marrim gjërat ndeshje pas ndeshje, si në këtë moment. Po ecim me rezultate, lojtarët kanë dëshirë të luajnë. Ne duhet të shfrytëzojmë momentin, se si do të vazhdojmë do ta shohim ndeshje pas ndeshje. Në futboll, kur fiton je aftë, ndërsa pas mungesës së rezultateve ndryshon gjithçka. Ne kemi atmosferë të mirë dhe duhet të vazhdojmë kështu?, ishin fjalët e Brdariç para mediave.