web counter
LEXO PA REKLAMA!

SHKARKO APP

App Store
Google Play

E fundit!

x

U zhdukën në vitin 2015/ Gjenden trupat e pajetë të çiftit shqiptar në Itali

15 Dhjetor 2020, 18:44, Kosova & Bota CNA

Tre valixhe me mbetje njerëzore janë gjetur pranë burgut Sollicciano në autostradën Florence-Pisa-Livorno. Mediat italiane bëjnë me dije se eshtrat i përkisnin një gruaje dhe një burri, të cilët mendohet të jenë me origjinë shqiptare.

Në parakrahun e burrit kishte një tatuazh në formë spirance me emrin e një qyteti shqiptar që mund të zbulojë të dhëna rreth identitetit të tij. Ndërkohë mësohet se trupi ishte copëtuar me sharrë profesionale pas vrasjes me thikë në fyt.

Ditën e sotme filluan kërkimet e reja nga karabinierët me përdorimin e qenve molekularë, pikërisht aty ku të hënën, 14 Dhjetor u gjet një valixhja e tretë që përmbante mbetjet e një gruaje.

Ka dyshime që trupat e pajetë janë të Shpëtim dhe Teuta Pashos, 54 dhe 52 vjeç, të cilët u zhdukën në vitin 2015, rreth një muaj pasi mbërritën në Itali. Më 2 nëntor 2015, vajza mori një telefonatë nga një numër anonim në të cilën nëna e saj i tha se nuk donte t?i përgjigjej askujt dhe prej asaj kohe nuk ka asnjë detaj të ri për çiftin.

Kërkimet janë pezulluar përkohësisht për të eleminuar ferrat e pranishme dhe për të lehtësuar punën e qenve molekularë./CNA.al





Lajmet e fundit nga