web counter
LEXO PA REKLAMA!

SHKARKO APP

App Store
Google Play

E fundit!

x

Covid i ‘pamëshirshëm’/ Rreth 74 mijë të infektuar në shtetin fqinj, më shume së 2100 viktima

15 Dhjetor 2020, 15:00, Kosova & Bota CNA

Në Maqedoninë e Veriut deri më tani janë diagnostikuar 73.851 persona me Covid-19, prej tyre 2.147 kanë ndërruar jetë, 50.046 janë shëruar ndërsa raste aktive janë 21.658 persona.

Megjithatë shifrat duket se janë në ulje. Sipas raportit, në krahasim me periudhën e para 7 dhjetorit me COVID-19 janë diagnostikuar 5.518 persona nga 35 qytete, apo 14.6 për qind më pak se javën e para 7 dhjetorit. Gjatë kësaj periudhe janë regjistruar 174 raste të vdekjes nga 29 qytete, që po ashtu paraqet ulje për 5,4% më pak se javën e kaluar.

Ministri i Shëndetësisë i Maqedonisë së Veriut, Venko Filipçe deklaroi se përmirësimi i shifrave është si rezultat i masave të ndërmarra për parandalimin e përhapjes së virusit.

?Masat aktuale po japin rezultate në trajtimin e krizës me koronavirus, por situata është ende kritike dhe kemi frikë se mund të përkeqësohet nëse nuk i përmbahemi masat që janë në fuqi. Jemi në një periudhë në të cilën grupimet më të mëdha në objektet e hotelerisë janë të mundshme, para festave të Vitit të Ri. Kufizimi i orarit të punës deri në orën 18 me respektimin të protokolleve është diçka që mund të bëhet, por nëse lirohemi më shumë pas kësaj ore paraqet rrezik?, ka deklaruar ministri Filipçe duke arsyetuar masat që ka miratuar Qeveria me propozim të Komisionit për Sëmundje Infektive, për shkurtimin e orarit të punës në sektorin e gastronomisë, ndalimin e grumbullimit të më shumë se katër personave si dhe ndalimin e të gjitha aktiviteteve të mundshme nëpër sheshet e qyteteve. Masat nuk parashohin kufizimi të lëvizjes së qytetarëve si brenda ashtu edhe jashtë shtetit.

 

 

 





Lajmet e fundit nga