web counter
LEXO PA REKLAMA!

SHKARKO APP

App Store
Google Play

E fundit!

x

Rritja e numrit të të infektuarve me COVID-19/ Holanda futet në izolim total

15 Dhjetor 2020, 07:59, Kosova & Bota CNA

Duke filluar nga dita e sotme, Holanda futet në një izolim total të vendit për shkak të rritjes së numrit të të infektuarve me koronavirus.

Hapur do të qëndrojnë vetëm ato dyqane që janë të rëndësishme ndërsa të gjitha të tjerat do të jenë të mbyllura.
Në një deklaratë për mediat mbrëmjen e djeshme, kryeministri holandez Mark Rutte deklaroi se vendi do të qëndrojë i izoluar të paktën deri më 18 janar.

“Ne e kuptojmë se sa i vështirë është ky lajm për ju dhe për ne, sigurisht pak para Krishtlindjeve. Viti 2020 është një vit zie, humbje dhe trishtimi për shumë njerëz” tha Rutte.

Njerëzve u kërkohet të qëndrojnë në shtëpi sa më shumë që të jetë e mundur dhe të shmangin vizitat në shtëpitë e njëri-tjetrit, me jo më shumë se dy të lejuar në ditë përveçse gjatë Krishtlindjeve, kur njerëzit mund të takojnë një maksimum prej tre mysafirësh.

“Nevoja për të qenë së bashku rreth pemës së Krishtlindjes, veçanërisht pas këtij viti, është më e madhe se kurrë. Kjo është arsyeja pse unë do të doja t’ju kërkoja të respektoni masat tani më shumë se kurrë” – tha Rutte.

Rutte tha se bllokimi i gjerë është i nevojshëm për të frenuar numrin në rritje të rasteve të koronavirusit dhe ndikimin në sektorin e shëndetit.





Lajmet e fundit nga